ديەتولوگ مامان بالالاردىڭ سۇيىكتى ءتاتتىسىن قان تامىرلارى مەن جۇرەككە پايدالى دەيدى. ءبىراق پايدالى بولۋى ءۇشىن ونى ۇيدە ازىرلەۋىڭىز كەرەك.
نۋتريسولوگ ساپكينا پوپكورندى جۇرەك پەن قان تامىرلارىنا پايدالى تاعامداردىڭ ءبىرى دەپ اتادى، دەپ حابارلايدى Almaty-akshamy.kz
قانت پەن حوش يىستەندىرگىشتەر قوسىلماي، ۇيدە ازىرلەنگەن پوپكورن - بۇل اسقازان-ىشەك، جۇرەك-قان تامىرلارى جانە تەرى دەنساۋلىعىن جاقسارتۋعا كومەكتەسەتىن تاماشا سۋپەرفۋد، -دەيدى ريا نوۆوستيگە سۇقبات بەرگەن ديەتولوگ ءارى نۋتريسولوگ نادەجدا ساپكينا.
«پوپكورن جاسالاتىن جۇگەرىنىڭ قۇرامىندا ۆ توبىنىڭ دارۋمەندەرى، تەمىر، مىرىش، مىس، كاليي، ماگنيي، فوسفور، مارگانەس جانە پوليفەنولدى انتيوكسيدانتتار بار. بۇل ەلەمەنتتەردىڭ بارلىعى جۇرەك-قان تامىرلارى اۋرۋلارى مەن اس قورىتۋ پروبلەمالارىنىڭ ءقاۋپىن ازايتۋعا كومەكتەسەدى»، - دەدى ول.
دەگەنمەن، ول ءتاتتى جانە سارى مايدا پىسىرىلگەن پوپكورن حولەستەرين دەڭگەيىن كۇرت ارتتىرادى دەپ قوستى. مۇنداي تاعامنىڭ كىشكەنتاي ءبىر شەلەگىندە شامامەن 600 كالوريا بار.
«ال بۇل ەندى زيانسىز تىسكەباسار ەمەس، سالماق قوسۋعا جانە سونىڭ سالدارىنان ءتۇرلى اۋرۋلارعا اكەلەتىن شەلەكتەگى بومبا»، - دەپ ەسكەرتتى ساپكينا.
ال تۇزدى پوپكورن دەنەدەگى سۋ بالانسىن بۇزادى جانە ءىسىنۋ مەن سەلليۋليتتىڭ پايدا بولۋىن تۋدىرادى دەيدى ساراپشى.
«ترانسمايلار تىنىس الۋ جۇيەسىنىڭ اۋرۋلارىن قوزدىراتىن قاتەرلى ىسىكتەردىڭ دامۋىنىڭ كاتاليزاتورىنا اينالادى، بۇل اسىرەسە استماتيكالىق ناۋقاستار ءۇشىن ءقاۋىپتى. پوپكورنداعى مايلار جوعارى تەمپەراتۋرانىڭ اسەرىنەن دياسەتيل ۋلى زاتىن شىعارا باستايدى، ول كەي جاعدايدا وكپە فيبروزىنا جانە السگەيمەر اۋرۋىنا اكەلەدى. ءدام كەلتىرگىش قوسپالار اسقازان-ىشەك جولدارىنىڭ ءارتۇرلى اۋرۋلارىن تۋدىرادى»، - دەدى دارىگەر.