مەركەل كانسلەر لاۋازىمىنا 2005 جىلى قاراشادا سايلانعان.
گەرمانيا پرەزيدەنتى فرانك-ۆالتەر شتاينمايەر انگەلا مەركەلگە كانسلەر وكىلەتتىلىگىنىڭ اياقتالۋى تۋرالى رەسمي حابارلامانى تاپسىردى، دەپ حابارلايدى اlmaty-akshamy.kz ريا نوۆوستي اگەنتتىگىنە سىلتەمە جاساپ.
ءىس-شارا مەملەكەت باسشىسىنىڭ رەزيدەنسياسىندا - بەلۆيۋ سارايىندا وتەدى. كوروناۆيرۋستىق پاندەمياعا بايلانىستى وعان قاتىسقان قوناقتار مەن جۋرناليستەردىڭ سانى شەكتەۋلى.
بۇعان دەيىن گەرمانيا پرەزيدەنتى مەركەلگە جاڭا مينيسترلەر كابينەتى قۇرىلعانشا ۋاقىتشا قىزمەت اتقارا تۇرۋدى تاپسىرعان بولاتىن.
سەيسەنبى كۇنى بەرليندە 20-شى بۋندەستاگتىڭ قۇرىلتاي جينالىسى ءوتتى. دەپۋتاتتار پارلامەنتتىڭ جاڭا پرەزيدەنتىن - 53 جاستاعى بەربەل باستى (گەرمانيا سوسيال-دەموكراتيالىق پارتياسى، سپد) سايلادى.
گەرمانيانىڭ نەگىزگى زاڭىنىڭ 69-بابىنا سايكەس، گەرمانيا فەدەراتيۆتىك رەسپۋبليكاسىنىڭ كانسلەرى مەن ۇكىمەت مينيسترلەرى جاڭا شاقىرىلىمداعى بۋندەستاگتىڭ ءبىرىنشى وتىرىسى وتكەن ساتتەن باستاپ وتستاۆكاعا كەتۋى كەرەك.