پولشادا ديماش قۇدايبەرگەننىڭ قۇرمەتىنە راديوستانسيا جۇمىس ىستەي باستادى

راديو تولقىنىندا تىڭدارمان ديماشتىڭ عانا ەمەس، باسقا دا قازاق ونەرپازدارىنىڭ اندەرىن تىڭداي الادى.

سونىمەن قاتار ەفيردە ەلىمىزدىڭ ادەت-عۇرپى، ءسالت-داستۇرى، مادەنيەتى تۋرالى دا ايتىلادى، دەپ حابارلايدى Almaty-akshamy.kz.

24.kz اقپاراتىنا سايكەس، «ديماش» راديوستانسياسىن قۇرۋ يدەياسى پولشاداعى ديماش قۇدايبەرگەننىڭ فان-كلۋبىنا تيەسىلى. باستاپقىدا ءانشىنىڭ پولياك جانكۇيەرلەرى ب ا ق سالاسىندا تاجىريبەسى بولماعانىن جانە ولار جۇرە ۇيرەنگەنىن ايتتى. ءبىراق ءقازىر ستانسيا اپتاسىنا جەتى كۇن، تاۋلىگىنە 24 ساعات بۇكىل الەمگە حابار تاراتادى ەكەن.

«مەن ديماشتىڭ شىعارماشىلىعىمەن Singer شوۋىنىڭ ارقاسىندا تانىستىم. SOS ءانى - كەرەمەت دۇنيە! بىردەن قىزىعۋشىلىق تانىتىپ، «كەلەسى كونسەرت قاي جەردە بولسا دا، مىندەتتى تۇردە ديماشتى تىكەلەي ەفيردە تىڭداۋىم كەرەك»، دەپ شەشىم قابىلدادىم. ءبىر ايدان كەيىن ول لوندوندا ونەر كورسەتتى. مەن باردىم. كەيىننەن راديوستانسيا قۇرۋ يدەياسى كەلدى. ءبىزدىڭ دەمەۋشىمىز جوق، فان-كلۋبىمىز كومەكتەسەدى. رەداكتورلار، جۇرگىزۋشىلەر، مەن - ءبارىمىز تەگىن جۇمىس ىستەيمىز»، - دەدى «ديماش» راديوسىنىڭ نەگىزىن قالاۋشى زبيگنيەۆ كۋجينسكيي.

سونداي-اق راديوستانسيا تولقىنىندا قازاقستاننىڭ بارلىق ايتۋلى وقيعالارى مەن مەرەكەلەرى  تويلانادى. ال تامىز ايىندا ابايعا ارنالعان تاقىرىپتىق حابارلار بولادى. ديماشتىڭ اندەرىن، جالپى قازاق حالقىنىڭ مادەنيەتىن ءتۇسىنۋ ءۇشىن راديودان قازاقشا ساباقتار دا اشىلعان.