جىلۋدان دا جىمقىرعان

23 ملرد تەڭگە كولەمىندە زاڭبۇزۋشىلىق انىقتالدى.

بۇگىنگى ءماجىلىس وتىرىسىندا جوعارى ەسەپ پالاتاسىنىڭ باسشىسى ناتاليا گودۋنوۆا جىلۋمەن جابدىقتاۋ سالاسىنداعى مەنەدجمەنتتىڭ تيىمدىلىگىنە جۇرگىزىلگەن مەملەكەتتىك ءاۋديتتىڭ قورىتىندىسىن ايتتى، دەپ حابارلايدى Almaty-akshamy.kz

تەكسەرىس بارىسىندا 23 ملرد تەڭگە كولەمىندە قارجىلاي بۇزۋشىلىق انىقتالدى.

تەكسەرۋ 47 مەملەكەتتىك مەكەمە مەن 44 تابيعي مونوپوليا سۋبەكتىسىندە جۇرگىزىلدى. 140 ميلليارد تەڭگەدەن استام بيۋدجەت قاراجاتى مەن 480 ميلليارد تەڭگە اكتيۆتىڭ يگەرىلۋ تيىمدىلىگى تەكسەرىلدى.

"ناتيجەسى بويىنشا 23 ملرد تەڭگە كولەمىندە قارجىلاي بۇزۋشىلىقتار (ونىڭ ىشىندە 6 ملرد تەڭگەسى بيۋدجەت قاراجاتى)، 37 ملرد تەڭگە كولەمىندە بيۋدجەت قاراجاتىن ءتيىمسىز جوسپارلاۋ، 117 ملرد تەڭگە كولەمىندە ەكونوميكالىق شىعىن مەن جوعالعان پايدا انىقتالدى"، دەدى ناتاليا گودۋنوۆا.

جالپى 2020-2022 جىلدار ارالىعىندا جىلۋمەن جابدىقتاۋ وبەكتىلەرىن سالۋعا، قايتا جاڭارتۋعا جانە جوندەۋگە 250 ميلليارد تەڭگە، ونىڭ ىشىندە رەسپۋبليكالىق بيۋدجەتتەن 84 ميلليارد تەڭگە ءبولىندى.

"الايدا بۇگىندە رەسۋرستاردى تولىقتىرۋ «قاۋىپسىزدىك مارجاسىن» جانە جىلۋ-ەنەرگەتيكالىق جۇيەنىڭ اقاۋسىز جۇمىسىن قامتاماسىز ەتپەيتىنى بارشاعا ايان. بۇل توزۋدىڭ جوعارى دارەجەسىنەن كورىنەدى. جەو جابدىقتارى رەسپۋبليكا بويىنشا ورتا ەسەپپەن 66% توزعان. جىلۋ جەلىلەرىنىڭ توزۋى – 54% بولىپ وتىر. جەو جالپى سانىنان 76%-ىنىڭ پايدالانۋ مەرزىمى 50 جىلدان اسقان. 24%-ىنىڭ پايدالانۋ مەرزىمى 30 جىلدان اسقان. جەو-نىڭ ورتاشا قىزمەت ەتۋ مەرزىمى – 61 جىل"، دەدى ناتاليا گودۋنوۆا.

ول اپاتتى ايالدامالار سانى جىل سايىن ارتىپ كەلە جاتقانىن ايتتى. تەك ولاردىڭ سانى 2021 جىلى 2020 جىلمەن سالىستىرعاندا 22% ءوستى.