بۇل شەكتەۋ رەسەيدىڭ ۋكرايناداعى ارەكەتىنە بايلانىستى ەنگىزىلىپ وتىر
پولشا پرەزيدەنتى اندجەي دۋدا جاڭا زاڭعا قول قويدى. ول بويىنشا رەسەيدەن كومىر يمپورتتاۋعا تىيىم سالىنادى، دەپ حابارلايدى Almaty-akshamy.kz.
مۇنداي شەشىم پولشا پرەزيدەنتى كەڭسەسىنىڭ مالىمدەمەسىندە ايتىلدى.
بۇل شەكتەۋ رەسەيدىڭ ۋكرايناداعى ارەكەتىنە بايلانىستى ەنگىزىلىپ وتىر جانە ول ۇلتتىق قاۋىپسىزدىكتى قورعاۋعا باعىتتالعان. بۇعان دەيىن پولشا پارلامەنتىنىڭ ەكى پالاتاسى بۇل زاڭدى قابىلداعان بولاتىن. تىيىم تەك مەملەكەتتىك ەمەس، سونىمەن قاتار جەكە فيرمالارعا دا قاتىستى. ونى بۇزعاندار باس بوستاندىعىنان ايىرىلادى.
رەسەيدى قولدايتىن شارۋاشىلىق سۋبەكتىلەرى ىشكى ىستەر مينيسترلىگى مەن پولشا اكىمشىلىگىنىڭ ارنايى تىزىمىنە ەنگىزىلەدى. ولاردىڭ قاراجاتى مەن باسقا دا اكتيۆتەرى بۇعاتتالادى. ءىىم باسشىسى بۇل ءتىزىمدى ءوز بەتىنشە نەمەسە ارنايى قىزمەتتەر مەن باسقا دا مەملەكەتتىك باسقارۋ ورگاندارىنىڭ ءوتىنىشى بويىنشا تولتىراتىن بولادى.