پوليسيا قىزمەتكەرلەرى مەن پسيحولوگتار تاقىرىپتىق دارىستەر وتكىزدى

الماتىدا پوليسيا قىزمەتكەرلەرى مەكتەپ وقۋشىلارىن بۇزاقىلىق جاساماۋعا شاقىرادى

5-11-سىنىپ وقۋشىلارىمەن جوسپاردان تىس كەزدەسۋگە تاياۋدا ورىن العان جاسوسپىرىمدەردىڭ ورەسكەل ءتارتىپ بۇزۋ فاكتىلەرى سەبەپ بولعان، دەپ حابارلايدى Almaty-akshamy.kz Polisia.kz-كە سىلتەمە جاساپ.

«ماسەلە قوعامدىق كولىكتىڭ توبەسىندە جاستاردىڭ وتشاشۋدى قولدانعان زاڭسىز ەپيزودتارى، سونداي-اق 12-13 جاستاعى بالالار وزدەرىنىڭ بۇزاقىلىق نيەتىمەن بىرنەشە قوعامدىق كولىكتىڭ تەرەزەلەرىن سىندىرعان وقيعاسى تۋرالى بولىپ وتىر. ونىڭ ۇستىنە ولاردىڭ ەشقايسىسى ىس-ارەكەتتەرىنىڭ سالدارى تۋرالى ويلاعان جوق. ادامدار زارداپ شەگۋى مۇمكىن ەدى. دارىستەر بارىسىندا جاسوسپىرىمدەرگە اكىمشىلىك جانە قىلمىستىق زاڭناما نورمالارى ءتۇسىندىرىلدى جانە وي ەلەگىنەن وتپەگەن، بۇزاقىلىق ارەكەتتەردىڭ سالدارى دا ايتىلدى. ويتكەنى، ءاربىر ادام جاسىنا قاراماستان، جاساعان ارەكەتىنە جاۋاپتى بولۋى كەرەك»، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ماناپ ساتتاروۆ.

بايانداماشى سونداي-اق، نازار اۋدارارلىق ەرەكشەلىكتى اتاپ ءوتتى. بۇزاقىلىق ارەكەتتەر نازار اۋدارۋ (حايپ)، قاناعاتتانۋ، باسقالاردىڭ قادىر-قاسيەتىن ەلەمەۋ ارقىلى ءوزىن-وزى راستاۋ، ادەيى دورەكىلىك پەن قاتىگەزدىك ارقىلى قوعامدى سىناۋعا ۇمتىلۋمەن سيپاتتالادى.