الماتىدا Pfizer كومپانياسىنىڭ Comirnaty پرەپاراتىمەن 13 248 ادام ۆاكسينالاندى
ۇجىمدىق يممۋنيتەتتى قالىپتاستىرۋ ءۇشىن بۇگىنگى 56،5%-دىق كورسەتكىش جەتكىلىكسىز دەپ ەسەپتەيدى الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا، سوندىقتان ۆاكسيناسيالاۋ وتە ماڭىزدى. وڭىرلىك كوممۋنيكاسيالار قىزمەتىندە وتكەن بريفينگتە ول مەگاپوليستە ۆاكسينالاۋدىڭ 132 پۋنكتىندە بارلىق تىلەك بىلدىرۋشىلەردىڭ تەگىن ەگىلەتىنىن ەسكە سالدى، دەپ حابارلايدى Almaty-akshamy.kz
«بۇگىندە ءبىز ۇجىمدىق يممۋنيتەت دەڭگەيىنىڭ 56،5%-ىنا جەتتىك، ول ۆاكسينالانعانداردىڭ 48،4%-ىنان جانە اۋىرىپ جازىلعان ادامداردىڭ 8،1%-ىنان تۇرادى. بۇل رەتتە ۆاكسيناسيادان كەيىن سىرقاتتانعانداردىڭ ۇلەس سالماعى ەگۋ ناۋقانى باستالعاننان بەرى نەبارى 0،3 %-دى – 3151 ادامدى قۇرادى»، - دەيدى ءا. قالىقوۆا.
ال اۋرۋدىڭ جاڭا اۋىر كوتەرىلۋىنىڭ الدىن الۋ ءۇشىن ۆاكسينالاۋ ارقىلى، ونىڭ ىشىندە 9 اي نەمەسە التى اي بۇرىن ۆاكسينالانعان ادامدار ءۇشىن قايتالانۋى مۇمكىن.
سپيكەردىڭ ايتۋىنشا، وتكەن اپتادا جۇقتىرعانداردىڭ نەگىزگى ۇلەسىن (78%) 20-39 جاستاعى ازاماتتار – 27،9%، 40-59 جاستاعى ازاماتتار – 27،6%، 60 جانە ودان جوعارى جاستاعى ادامدار – 22،3% قۇرايدى. 14 جاسقا دەيىنگى بالالار اراسىندا جۇقتىرۋدىڭ ۇلەس سالماعى (124 جاعداي) - 16%-عا دەيىن ءوستى، ونىڭ ىشىندە 1 جاسقا دەيىنگى بالالار (21 جاعداي) - 2،7%.
ۆيرۋس جۇقتىرعانداردىڭ ىشىندە: ءوزىن-وزى جۇمىسپەن قامتىعان جانە جۇمىس ىستەمەيتىن ازاماتتار – 26،1%، زەينەتكەرلەر – 21،2%، ۇيىمدار، ج ش س، جك قىزمەتكەرلەرى – 20،3%، وقۋشىلار – 13،1%.
ۇيىمداستىرىلماعان بالالار اراسىندا جۇقپانىڭ ءوسۋى بايقالادى – 5%-عا دەيىن، ستۋدەنتتەر – 3،4%-عا دەيىن، بانكتەر مەن ساقتاندىرۋ كومپانيالارىنىڭ قىزمەتكەرلەرى – 2،8%-عا دەيىن جانە اسكەري قىزمەتشىلەر – 1،3%-عا دەيىن. حالىقتىڭ قالعان ساناتتارى 1% شەگىندە.
وتكەن اپتادا نەگىزگى جۇقتىرۋ ورىندارى (91%) ساۋدا وبەكتىلەرى – 35%، قوعامدىق كولىك – 30%، وتباسىلارداعى بايلانىستار – 16% جانە بازارلار – 10% بولىپ تابىلادى.
قوعامدىق دەنساۋلىق باسقارماسىنىڭ مالىمەتىنشە، 2021 جىلدىڭ 1 اقپانىنان 29 قاراشاسىنا دەيىنگى ارالىقتا ءى كومپونەنتپەن 1 035 512 ادام، II كومپونەنتپەن 968 966 ادام ۆاكسيناسيالاندى. 60 جاستان اسقاندار اراسىندا ۆاكسينالانعاندار سانى 122 205.
بۇگىندە الماتىدا Pfizer كومپانياسىنىڭ Comirnaty پرەپاراتىمەن 13 248 ادام ۆاكسينالاندى، ونىڭ ىشىندە جۇكتى ايەلدەر – 795، بالا ەمىزەتىن ايەلدەر – 2 803، بالالار مەن جاسوسپىرىمدەر – 9 650.