پوليسيا قىزمەتكەرلەرى قارا نارىقتاعى قۇنى 25 ملن تەڭگە بولاتىن ەسكىرتكىنى تاركىلەدى، دەپ حابارلايدى اlmaty-akshamy.kz.
«وتكەن اپتادا جامبىل وبلىسىنىڭ ايشا ءبيبى تاسجولىندا پاترۋلدىك ينسپەكتورلار «ۆMW ح5» كولىگىنىڭ سالونىنان 8 قاپ ماريحۋانا تاپتى. قاپتاردىڭ جالپى سالماعى 200 كەلى ەكەنى انىقتالدى. استانالىق ساقشىلار دا ماريحۋانانىڭ ءىرى پارتياسىن تاركىلەدى. ميچۋرين كەنتىندەگى جەكە تۇرعىن ءۇيدىڭ كومىر قوراسىنان سالماعى 42 كەلى بولاتىن 4 قاپ ماريحۋانا تابىلدى. ءۇي يەسى بۇل ەسىرتكىگە ءوزىنىڭ قاتىسى جوق ەكەنىن ايتىپ اقتالدى. ءبىراق ءوزىن ءتىنتۋ كەزىندە گاشيش تابىلدى. ءيىسشىل يتتەردىڭ كومەگىمەن ءۇيدىڭ ىشىنەن ساتۋعا دەپ دايىنداعان 35 ورام گاشيش تاركىلەندى. بۇكىل تاركىلەنگەن ەسىرتكىنىڭ مولشەرى 8500 دوزاعا تەڭ. ونىڭ قارا نارىقتاعى باعاسى 25 ملن تەڭگەدەي بولادى»»، - دەدى ىشكى ىستەر مينيسترلىگىنىڭ وكىلى شۇعىلا تۇرلىبەك.
سونداي-اق، جامبىل وبلىسىنىڭ پوليسەيلەرى شۋ اۋدانىنىڭ ءبىر تۇرعىنىنان 160 كەلى ەسىرتكى تاركىلەگەن. ونىڭ ءۇيىنىڭ شاتىرىنان 8 قاپ ماريحۋانا تابىلعان.
ال ماڭعىستاۋ وبلىسىنىڭ پوليسيا قىزمەتكەرلەرى اقتاۋ قالاسىنىڭ تۇرعىنىنان مەفەدرون سينتەتيكالىق ەسىرتكىسىن تاركىلەگەن. ونىڭ تەلەفونىندا ەسىرتكى ورامدارى جاسىرىلعان ورىنداردىڭ گەولوكاسياسى شىققان.
«ءقازىر ۇستالعان كۇدىكتىنىڭ ۇستىنەن سوتقا دەيىنگى تەرگەۋ ءجۇرىپ جاتىر. بۇل ىسكە قاتىسى بار دەگەن كۇدىكپەن بىرنەشە ادام ۇستالدى»، - دەدى ءىم وكىلى.