پوليسيا ورگاندارىندا كادرلاردىڭ تۇراقتاۋ كورسەتكىشى 42%-عا جەتتى، دەپ حابارلايدى Almaty-akshamy.kz.
بۇل تۋرالى قازاقپارات ءتىلشىسىنىڭ ساۋالىنا جاۋاپ بەرگەن ىشكى ىستەر ءمينيسترى مارات احمەتجانوۆ ءمالىم ەتتى.
«كادر تاپشىلىعى ماسەلەسىن شەشۋ - «قوعاممەن ارىپتەستىكتە قوعامدىق قاۋىپسىزدىكتى قامتاماسىز ەتۋ» تۇجىرىمداماسىنىڭ ءبىر باعىتى. بۇل رەتتە ءبىز جۇمىستى وزىمىزدەن (مينيسترلىك – اۆتور تۇسىندىرمەسى) باستادىق. پوليسيا ورگاندارىنا قاتىستى قابىلدانعان ءىس-شارالاردىڭ ارقاسىندا 42%-عا كادر اۋىسپالىلىعى توقتادى. پوليسياعا كەلەمىن دەگەن ادامدار قاتارى 4 ەسە ارتتى. بۇعان پرەزيدەنتتىڭ تىكەلەي تاپسىرماسى اسەر ەتتى. اتاپ ايتقاندا، قىزمەتكەرلەردىڭ الاتىن ايلىعىن ءوسىرۋ جانە باسقا دا كوتەرمەلەۋ شارالارى قابىلداندى»، - دەپ جاۋاپ بەردى ۆەدومستۆو باسشىسى ءتىلشى ساۋالىنا وراي.
قوسا كەتسەك، بۇعان دەيىن اشىق نقا پورتالىندا جاريالانعان اتالعان تۇجىرىمدامادا كادر تاپشىلىعى ماسەلەسى وزەكتى باعىتتاردىڭ ءبىرى رەتىندە كورسەتىلگەن. سونىمەن قاتار، پوليسيا قىزمەتكەرلەرىنىڭ جالاقىسى وسكەنىمەن، ول ينفلياسيا اسەرىنەن سەزىلمەي وتىرعانى دا ايتىلعان.