ءىىم الماتى اكادەمياسىندا يدەولوگيا جانە يميدج بويىنشا وقۋ-ادىستەمەلىك جيىن ءوتتى
شاراعا 40-قا جۋىق مەملەكەتتىك ورگانداردىڭ وكىلدەرى، ق ر ءىىم م.ەسبولاتوۆ اتىنداعى الماتى اكادەمياسىنىڭ جوعارى اكادەميالىق كۋرستاردىڭ تىڭداۋشىلارى، الماتى قالاسىنىڭ پوليسيا دەپارتامەنتىنىڭ وكىلدەرى، ۇكىمەتتىك ەمەس ۇيىمداردىڭ وكىلدەرى قاتىستى.
ترەنينگ بارىسىندا پوليسيا مەن قوعامنىڭ ءوزارا ارەكەتتەسۋى، ونىڭ ءارتۇرلى ەلدەردە قولدانۋ تاجىريبەسى، پوليسيا قىزمەت ەتۋ ادىستەرىن ەنگىزۋدىڭ نەگىزگى باعىتتارى، قازاقستاندىقتاردىڭ نارازىلىق اكسيالارىنا قاتىسۋ جانە قاتىسپاۋ سەبەپتەرى، سارا ادىستەمەسى جانە كۇردەلى ماسەلەلەرگە باعىتتالعان كوزقاراس، پوليسيا جۇمىسىنىڭ جانە حالىقتىڭ ىشكى ىستەر ورگاندارىنا سەنىمى جانە باسقا دا ماسەلەلەر تالقىلاندى، دەپ حابارلايدى Almaty-akshamy.kz Polisia.kz-كە سىلتەمە جاساپ.
سۋرەت: Polisia.kz
«2019 جىلى ءبىز بەيبىت جينالىس كەزىندە حالىقپەن سىندارلى ديالوگ قۇرالى رەتىندە “پوليسيا ديالوگىن جۇزەگە اسىرۋ” اتتى ءبىرىنشى سەمينار-ترەنينگ وتكىزدىك. وندا تار تىسسىز قۇقىق ءتارتىبىن قامتاماسىز ەتۋ جانە شيەلەنىستى ازايتۋدىڭ ءتۇرلى ادىستەرى قاراستىرىلدى. سوڭعى جىلداردىڭ تاجىريبەسى ىشكى ىستەر ورگاندارىنىڭ وكىلدەرىن قوعاممەن ديالوگ قۇرۋ جانە جاپپاي تارتىپسىزدىكتەر كەزىندە حالىقپەن ءوزارا ارەكەتتەسۋ بويىنشا قوسىمشا وقىتۋ قاجەتتىگىن كورسەتتى. ءۇش كۇن بويى ءبىز 40-قا جۋىق مەملەكەتتىك ورگانداردىڭ وكىلدەرىن، ق ر ءىىم م.ەسبولاتوۆ اتىنداعى الماتى اكادەمياسىنىڭ جوعارى اكادەميالىق كۋرستاردىڭ تىڭداۋشىلارىن، ۇكىمەتتىك ەمەس ۇيىمداردىڭ وكىلدەرىن وقىتتىق»، – دەدى “ادام قۇقىقتارى ءۇشىن حارتياسى” قق اتقارۋشى ديرەكتورى تۋرماگامبەتوۆا جەميس ۋتەگەنوۆنا.
“ادام قۇقىقتارى ءۇشىن حارتياسى” قق ترەنينگتى قازاقستان رەسپۋبليكاسى ىشكى ىستەر مينيسترلىگى مەن جانە قازاقستان رەسپۋبليكاسى ىشكى ىستەر مينيسترلىگىنىڭ الماتى اكادەمياسىمەن بىرلەسە وتكىزدى. ترەنينگ الماتى قالاسى اكىمدىگىنىڭ قارجىلىق قولداۋىمەن وتكىزىلدى.