جالعان قۇجات جاساۋعا جول جوق.
ءىىم-نىڭ دەرەگى بويىنشا، پوليسيا جىل باسىنان بەرى ۆاكسينا پاسپورتتارى مەن پتر-تەستتەردى قولدان جاساۋ بويىنشا 65 قىلمىستىق ءىس قوزعادى، دەپ حابارلايدى اlmaty-akshamy.kz Polisia.kz-ke سىلتەمە جاساپ.
Covid-19 كوروناۆيرۋستىق ينفەكسياسى سالدارىنان كوپتەگەن ادامنىڭ ءومىرى قيىلۋدا. تەك ءبىر تاۋلىك ىشىندە قازاقستاندا كوروناۆيرۋستىق ينفەكسياعا وڭ پتر-تالداۋى بار 5 648 ناۋقاس انىقتالدى. بارلىق قابىلدانعان شەكتەۋ شارالارىنا قاراماستان، بۇل سان كۇن سايىن ءوسىپ كەلەدى. ءىىم-نىڭ اسا الاڭداتارلىق ەپيدەميولوگيالىق جاعدايىن ەسكەرە وتىرىپ، مەملەكەت باسشىسىنىڭ تاپسىرماسى بويىنشا وسى اۋرۋعا بايلانىستى بارلىق قىلمىستىق كورىنىستەرگە ەرەكشە كوڭىل بولىنەدى. جالعان پتر تەستىلەرى مەن ۆاكسينا پاسپورتتارىن قولدان جاساۋ جانە پايدالانۋشىلاردى انىقتاۋ باعىتىنداعى جۇمىستار بەلسەندى جۇرگىزىلۋدە، ويتكەنى ۆاكسينالانباعان ازاماتتار كوروناۆيرۋستىڭ تارالۋىنا جاعداي جاساي جاساپ، باسقالارعا جۇقتىرۋ ءقاۋپىن جوعارىلاتادى.
تەرگەۋ بولىمشەلەرىنىڭ وندىرىسىندە پتر-تەستىلەردى قولدان جاساۋ، دايىنداۋ نەمەسە وتكىزۋ بويىنشا قىلمىستىق كودەكستىڭ 385-بابى بويىنشا 42 قىلمىستىق ءىس بولدى (قك 385-بابى 1-بولىگى – 23، 2-بولىگى-3، 3-بولىگى – 16)، ونىڭ ىشىندە 39-ى اعىمداعى جىلى تىركەلگەن.
ۆاكسينا پاسپورتتارىن قولدان جاساۋ فاكتىلەرى بويىنشا اعىمداعى جىلى 23 قىلمىستىق ءىس تىركەلدى، تەرگەۋ جالعاسۋدا. قولدان جاسالعان قۇجاتتاردىڭ سانى جانە ءاربىر ءىس بويىنشا زاڭعا قايشى ارەكەتتەرگە قاتىسۋشىلاردىڭ سانى دا ءار ءتۇرلى. بۇلار تەرگەۋ ناتيجەلەرى بويىنشا ناقتىلاناتىن بولادى. ىشكى ىستەر ورگاندارى جالعان پتر-انىقتامالار مەن ۆاكسينا پاسپورتتارىن ساتۋ فاكتىلەرىن انىقتاۋ بويىنشا ءتۇرلى جەدەل-ىزدەستىرۋ ءىس-شارالارىن جۇرگىزۋدە. پوليسيا قىزمەتكەرلەرى مەديسينالىق ورتالىقتاردى، ەمحانالاردى، ۆاكسينا الۋ پۋنكتتەرىن تەكسەرۋدى جالعاستىرۋدا.
ءىىم جالعان قۇجات جاساعانى ءۇشىن ءتورت جىلعا دەيىن باس بوستاندىعىنان ايىرۋ تۇرىندەگى قىلمىستىق جاۋاپكەرشىلىك، ال ونى پايدالانعانى ءۇشىن 40 تاۋلىككە دەيىن قاماۋعا الۋ كوزدەلگەنىن ەسكە سالادى.