اقمولا وبلىسى، زەرەندى اۋداندىق پوليسيا ءبولىمى باستىعىنىڭ ورىنباسارى تۇرار تۇرار ۇلى دۇيسەمبينگە ىزدەۋ جاريالاندى
وبلىستىق پوليسيا دەپارتامەنتى باسپا ءسوز قىزمەتىنىڭ مالىمەتىنشە، ت.ت. دۇيسەمبيننىڭ حابار-وشارسىز كەتكەندىگى تۋرالى 23 ماۋسىمدا كوكشەتاۋ پوليسيا باسقارماسىنا ءوتىنىش تۇسكەن. ايەلىنىڭ سوزىنشە، تۇرار دۇيسەمبين 20 ماۋسىمدا ۇيدەن شىعىپ، سول كۇيى حابارسىز كەتكەن. پد باسپا ءسوز قىزمەتىندەگىلەر ت.ت. دۇيسەمبين قازىرگى ۋاقىتتا بۇيرىققا سايكەس كەزەكتى ەڭبەك دەمالىسىندا ەكەنىن ايتادى.
«ءوتىنىش تۇسكەننەن كەيىن بىردەن پوليسيا دەپارتامەنتى كەشەندى ىزدەستىرۋ ءىس-شارالارىن ۇيىمداستىردى، زەرەندى اۋدانى پوليسيا ءبولىمى، كوكشەتاۋ قالالىق پوليسيا ءبولىمى، پوليسيا دەپارتامەنتىنىڭ جەكە قۇرامى، سونداي-اق، اسكەري قىزمەتشىلەر مەن ەرىكتىلەر جۇمىلدىرىلدى»، - دەيدى ۆەدومستۆودان.
وسى رەتتە، پوليسيا قىزمەتكەرلەرى ت.ت. دۇيسەمبيننىڭ ورنالاسقان جەرى تۋرالى قانداي دا ءبىر اقپارات يە ادام بولسا، دەرەۋ قۇقىق قورعاۋ ورگاندارىنا حابارلاۋدى سۇرايدى.