الماتى وبلىسىنىڭ پوليسياسى بالالار ءۇيى تاربيەلەنۋشىلەرىن ۇرىپ-سوعىپ جاتقان ۆيدەوعا قاتىستى تۇسىنىكتەمە بەردى، – دەپ حابارلايدى Almaty-akshamy.kz Polisia.kz سايتىنا سىلتەمە جاساپ.
27 تامىز كۇنى ىلە اۋدانىنىڭ قورعانشىلىق جانە قامقورشىلىق ورگاندارىنا وتباسى ۇلگىسىندەگى بالالار ءۇيى تاربيەلەنۋشىلەرىنىڭ ۇرىپ-سوعىلعاندىعى جايىندا اقپارات كەلىپ تۇسكەن.
اتالعان دەرەك بويىنشا يۋۆەنالدى پوليسيا قىزمەتكەرلەرى اۋدان اكىمدىگىنىڭ ماماندارىمەن بىرلەسىپ، ءتيىستى تەكسەرۋ جۇمىستارىن ۇيىمداستىردى. تاربيەلەنۋشىلەر ءبىراز ۋاقىتقا «سولنىشكو» بالالار ۇيىنە تاپسىرىلدى.
ق ر اقبتك-نىڭ 127-بابىندا كوزدەلگەن فاكتى بويىنشا جينالعان ماتەريال سوتتىڭ قاراۋىنا جىبەرىلدى. بالالاردى ودان ءارى قورعانشىلىققا الۋ نەمەسە ودان ايىرۋ تۋرالى شەشىمدى ارنايى قۇرىلعان كوميسسيا قابىلدايدى.
ايتا كەتەيىك، بۇدان بۇرىن الماتى وبلىسىندا اسىراندى بالالاردى ۇرىپ سوققان قامقورشىعا قاتىستى تەكسەرىس باستالعان بولاتىن.
پوليسيا بالالار ءۇيى تاربيەلەنۋشىلەرىن ۇرىپ-سوعىپ جاتقان ۆيدەوعا قاتىستى تۇسىنىكتەمە بەردى
- اۆتور Almaty-akshamy
- 14:01، 01 قىركۇيەك 2022
سۋرەت: Polisia.kz