اكىمدەرمەن جيىن ءوتتى
قاسىم-جومارت توقايەۆ وبلىستاردىڭ جانە نۇر-سۇلتان، الماتى، شىمكەنت قالالارىنىڭ اكىمدەرىمەن جيىن وتكىزدى، دەپ حابارلايدى Almaty-akshamy.kz بورت№1 تەلەگرام-ارناسىنا سىلتەمە جاساپ.
كەڭەستە وڭىرلەردىڭ الەۋمەتتىك-ەكونوميكالىق دامۋ ماسەلەلەرى مەن وزەكتى پروبلەمالارى تالقىلاندى. سونىمەن قاتار جولداۋدا جۇكتەلگەن مىندەتتەردى جۇزەگە اسىرۋعا ەرەكشە نازار اۋدارىلدى.
پرەزيدەنت ۇكىمەت پەن اكىمدەرگە ەلدىڭ الەۋمەتتىك ماسەلەلەرىن جەدەل رەتتەۋ جانە حالىقتىڭ ءال-اۋقاتىن ارتتىرۋعا باعىتتالعان شارالار قابىلداۋدى تاپسىردى.
اكىمدىكتەرگە ينۆەستيسيا تارتۋ، جاڭا جۇمىس ورىندارىن اشۋ، كاسىپكەرلىكتى قولداۋ تۋرالى مىندەتتەر جۇكتەدى.
مەملەكەت باسشىسى ءوڭىر باسشىلارىنا جىلىتۋ ماۋسىمىنا دايىندىقتى كۇشەيتۋدى جانە كۇزگى ەگىن جيناۋ ناۋقانىن جوسپارعا ساي ساپالى ورىنداۋدى تاپسىردى.
مەملەكەت باسشىسى اكىمدەردىڭ ازاماتتارمەن كەرى بايلانىستى كۇشەيتۋى قاجەت ەكەنىن اتاپ ءوتتى.
پرەزيدەنت قازاقستان حالقىنا ارنالعان بۇگىنگى جولداۋدا جۇكتەلگەن مىندەتتەردى جۇزەگە اسىرۋ اسا ماڭىزدى ەكەنىن ەسكەرتتى.