ءىىم “قۇقىقتىق ءتارتىپ” كەڭ اۋقىمدى وپەراسياسىن باستادى
قاراشا ايىنىڭ سوڭعى ون كۇندىگىندە پوليسيا قىزمەتكەرلەرى قىزمەتتىڭ كۇشەيتىلگەن نۇسقاسىنا اۋىستىرىلدى، دەپ حابارلايدى Almaty-akshamy.kz
ساياجايلاردا، قۇرىلىس وبەكتىلەرىندە، بازارلاردا، شارۋا قوجالىقتاردا، جالدامالى پاتەرلەردە، شالعاي جەرلەردە تەكسەرۋ جۇرگىزىلەدى.
الكوگولدى ىشىمدىك ءىشۋ، قوعامدىق ورىنداردا ماس كۇيدە ءجۇرۋ، بەلگىلەنبەگەن جەرلەردە تەمەكى شەگۋ، ۇساق بۇزاقىلىق جاساۋ، ورتاق پايدالانۋ ورىندارىن لاستاۋ، تىنىشتىقتى بۇزۋ، وتباسىلىق-تۇرمىستىق قاتىناستار سالاسىنداعى قۇقىق بۇزۋشىلىقتارعا جول بەرۋ سىندى قۇقىق بۇزۋشىلىقتارعا “مۇلدەم توزبەۋشىلىك” قاعيداتى قولدانىلادى.
قورعاۋ نۇسقاماسى شىعارىلعان، مىنەز-قۇلقىنا ەرەكشە تالاپتار قويىلعان، ءىىو ەسەبىنە الىنعان ادامدار، ماسكۇنەمدەر، ناشاقورلار، قولايسىز وتباسىلار اراسىندا قۇقىق بۇزۋشىلىقتاردىڭ الدىن الۋ بويىنشا رەيدتەر جۇرگىزىلەدى.
سونىمەن قاتار جول ءجۇرىسى قوزعالىسى ماسەلەسىنە باقىلاۋ كۇشەيتىلدى. ستيحيالىق قوقىس ورىندارىن جانە ولاردىڭ شىعۋ كوزدەرىن انىقتاۋ بويىنشا شارالار قابىلدانىپ جاتىر.
ءىس-شارا جەرگىلىكتى اتقارۋشى ورگاندارمەن، “Amanat” پارتياسىنىڭ وڭىرلىك فيليالدارىمەن، ۇكىمەتتىك ەمەس ۇيىمداردىڭ، جاستار قوزعالىستارىنىڭ جانە ب ا ق وكىلدەرىمەن ءوزارا ءىس-قيمىل اياسىندا وتكىزىلەدى. وپەراسيانىڭ نەگىزگى باعىتى – قوعامدىق ءتارتىپتى ساقتاۋدى جانە كوشەلەردەگى پروفيلاكتيكانى كۇشەيتۋ.
– ءار قىزمەتكەر زاڭ اتىنان ناقتى ارەكەت ەتۋى كەرەك. ازاماتتارمەن سىپايى بولۋدى ۇمىتپاۋ قاجەت. زاڭ بارىنە بىردەي، – دەپ اتاپ ءوتتى ىشكى ىستەر ءمينيسترى ەرجان سادەنوۆ.