كولىك پوليسەيلەرى جولاۋشىعا پويىزدا تەمەكى شەككەنى جانە الكوگولدىك ىشىمدىك ىشكەنى ءۇشىن ايىپپۇل سالدى، دەپ حابارلايدى Almaty-akshamy.kz Polisia.kz سايتىنا سىلتەمە جاساپ.
اقتوبە ستانسياسىنا ورال – الماتى باعىتىنداعى جولاۋشىلار پويىزى كەلگەننەن كەيىن جەلىلىك پوليسيا ءبولىمىنىڭ قىزمەتكەرلەرىەر ادامدى اكت بويىنشا ءتۇسىرىپ العان.
تەكسەرۋ بارىسىندا كولىك پوليسەيلەرى باتىس قازاقستان وبلىسىنىڭ 32 جاستاعى تۇرعىنىن انىقتادى. ول ماساڭ كۇيىندە ۆاگوننىڭ تامبۋرىندا تەمەكى شەگىپ، پويىز بريگاديرىنىڭ ەسكەرتۋىنە قۇلاق اسپاعان.
قۇقىق بۇزۋشىعا قاتىستى ق ر اقبتك-نىڭ 440-بابى جانە 441-بابى بويىنشا ەكى اكىمشىلىك ماتەريال تولتىرىلىپ، 20 ايلىق ەسەپتىك كورسەتكىش مولشەرىندە ايىپپۇل سالىندى.
ەسكە سالا كەتسەك، جىل باسىنان بەرى كولىك پوليسەيلەرى ءتۇرلى اكىمشىلىك قۇقىقبۇزۋشىلىقتار جاساعانى ءۇشىن 10650 قۇقىق بۇزۋشىنى جاۋاپقا تارتتى. ونىڭ ىشىندە الكوگولدىك ىشىمدىكتەردى ىشكەنى نەمەسە قوعامدىق ورىندارعا ماساڭ كۇيىندە كەلگەنى ءۇشىن 1161 ادام، تەمەكى ونىمدەرىن تۇتىنۋعا تىيىم سالۋدى بۇزعانى ءۇشىن 388 ادام جازالانعان.