وقيعا الماتى-پاۆلودار باعىتىنداعى جولاۋشىلار پويىزىندا بولعان.
قۇقىق بۇزعان ەر ادام شىعىس قازاقستان وبلىسى اقتوعاي ستانسياسىنا كەلگەننەن كەيىن پويىز باستىعىنىڭ اكتىسى بويىنشا ءتۇسىرىلىپ، جەلىلىك پوليسيا بولىمشەسىنىڭ قىزمەتكەرلەرىنە بەرىلدى، دەپ حابارلايدى Almaty-akshamy.kz Egemen.kz-كە سىلتەمە جاساپ.
بۇل تۋرالى كولىكتەگى پوليسيا دەپارتامەنتى باستىعىنىڭ ءبىرىنشى ورىنباسارى ماديار ايتۋعانوۆ ايتتى. تەكسەرۋ بارىسىندا كولىك پوليسەيلەرى پاۆلودار وبلىسىنىڭ 28 جاستاعى تۇرعىنىن انىقتادى. الكوگولدى ىشىمدىككە ماسايعان جولاۋشى بالاعات ءسوز ايتىپ، جولسەرىكتەردىڭ ەسكەرتۋلەرىنە قۇلاق اسپاعان. وسىلايشا قوعامدىق ءتارتىپتى بۇزعان.
«ءتارتىپ ساقشىلارى قۇقىق بۇزۋشىعا قاتىستى ق ر اقبتك-نىڭ 440-بابى 3-بولىگى، 434-بابى 1-بولىگى بويىنشا ەكى حاتتاما تولتىرىپ، ءىس پاۆلودار وبلىسى باياناۋىل اۋداندىق سوتىنا جىبەرىلدى. ايتا كەتۋ كەرەك، ەر ادام بۇعان دەيىن دە قوعامدىق ورىنداردا الكوگول ىشكەنى ءۇشىن جاۋاپقا تارتىلعان. ەندى ورەسكەل ارەكەتىن قايتا جاساپ وتىر. سوت اكىمشىلىك ءىستىڭ ماتەريالدارىن قاراپ، ونى 20 تاۋلىككە اكىمشىلىك قاماۋعا الۋ تۇرىندە اكىمشىلىك جازا تاعايىنداۋ تۋرالى قاۋلى شىعاردى»، - دەدى م.ايتۋعانوۆ.