وزبەكستاندا كۇننىڭ قاتتى ىسىۋىنا بايلانىستى پويىزداردىڭ جىلدامدىعى شەكتەلەدى، - دەپ حابارلايدى اlmaty-akshamy.kz.
"ۋزتەميريۋليۋلوۆچي" باسپا ءسوز قىزمەتىنىڭ مالىمەتىنە سۇيەنسەك، سوڭعى كۇندەرى وزبەكستان اۋماعىندا ادەتتەن تىس جوعارى تەمپەراتۋرا بايقالعان. وسىعان بايلانىستى، تەمىرجول جولدارى مەن رەلستەردىڭ بولات ەلەمەنتتەرى ايتارلىقتاي قىزىپ كەتەدى. سونداي-اق، اۋانى باپتاۋ جۇيەلەرىنىڭ بۇزىلۋى مۇمكىن ەكەنى اتاپ ءوتىلدى.
"پويىزدار مەن جولاۋشىلار قوزعالىسىنىڭ قاۋىپسىزدىگىن قامتاماسىز ەتۋ ماقساتىندا پوەزدار قوزعالىسىنىڭ جىلدامدىعىنا شەكتەۋلەر ەنگىزىلدى. بۇل پويىزداردىڭ كەستەدەن كەشىگۋىنە اكەلۋى مۇمكىن. سونىمەن قاتار، جىلدامدىققا شەكتەۋلەر ەنگىزىلگەن پويىزداردا اۋانى باپتاۋ جۇيەلەرىنىڭ تيىمدىلىگى تومەندەۋى مۇمكىن"، - دەلىنگەن حابارلامادا.