الەۋمەتتىك جەلىدە جامبىل وبلىسىندا اۋا رايىنىڭ قولايسىزدىعىنان پويىز اپاتقا ۇشىراپ، 380 ادام قازا تاپقانى تۋرالى اقپارات تارادى، - دەپ حابارلايدى اlmaty-akshamy.kz.
"وتار مەن شۋدىڭ ورتاسىندا بۇرىن سوڭدى بولماعان قار جاۋىپ پوەزد اۆاريا بولىپ 300-دەن استام ادام ولگەن سودان حابارلاپ جىبەرىپ جاتىر تانيتىن ادام بولاما دەپ"، - دەلىنگەن الەۋمەتتىك جەلىدە تاراعان اقپاراتتا. (حاتتىڭ ءستيلى مەن ورفوگرافياسى ساقتالدى)
اقپارات تاراتۋشىلار مۇنىمەن قويماي، 380 ادامنىڭ ءاتى-جونى جازىپ، تاراتقان.
Massaget.kz ءتىلشىسى "قازاقستان تەمىر جولى" اق باسپا ءسوز قىزمەتىنەن بۇل اقپاراتتىڭ راس-وتىرىگىن سۇرادى. كومپانيا وكىلى مۇنىڭ جالعان ەكەنىن ايتىپ، جەلىدە تاراعان حابارلامانى جوققا شىعاردى.
"الەۋمەتتىك جەلىدە وتار-شۋ ۋچاسكەسىندە پويىزدىڭ رەلستەن شىعىپ كەتكەنى تۋرالى جالعان اقپارات قىزۋ تاراپ جاتىر. قتج جەلىسىندە پويىزدار قوزعالىسى قاۋىپسىزدىگىن بۇزۋ نەمەسە ادامداردىڭ جاراقاتتانعانى تۋرالى دەرەك تىركەلگەن جوق. كوپە-كورىنەۋ جالعان اقپارات تاراتقانى ءۇشىن قىلمىستىق جاۋاپكەرشىلىك قاراستىرىلعانىن ەسكە سالامىز"، - دەدى كومپانيا.