كەزدەسۋ بارىسىندا قازاقستان مەن امەريكا قۇراما شتاتتارى اراسىنداعى ەكىجاقتى قاتىناستاردى دامىتۋعا، سونداي-اق جاھاندىق جانە وڭىرلىك قاۋىپسىزدىككە قاتىستى وزەكتى ماسەلەلەر قاراستىرىلدى، دەپ حابارلايدى اlmaty-akshamy.kz.
پرەزيدەنت قاسىم-جومارت توقايەۆتىڭ ايتۋىنشا، ەكى ەل قاۋىپسىزدىك، ورنىقتى دامۋ، كليمات پروبلەماسى، گۋمانيتارلىق بايلانىس جانە باسقا دا كوپتەگەن سالا بويىنشا ىنتىماقتاستىق ورناتقان.
مەملەكەت باسشىسى ەكونوميكالىق ىقپالداستىقتى ەكىجاقتى قاتىناستاردىڭ نەگىزگى تىرەگى رەتىندە اتاپ ءوتىپ، ساۋدا-ەكونوميكالىق جانە ينۆەستيسيالىق ىنتىماقتاستىقتى كەڭەيتۋ، سونىڭ ىشىندە ينۆەستيسيا تارتۋ جونىندەگى كەڭەس قىزمەتى اياسىندا نىعايتۋ قاجەت ەكەنىن ايتتى.
سونىمەن قاتار كەزدەسۋدە ساۋدا، كولىك، لوگيستيكا، «جاسىل» ەنەرگەتيكا، ەكولوگيا، تاۋ-كەن ءوندىرۋ ونەركاسىبى سالالارىنداعى بايلانىستاردى ارتتىرۋ مۇمكىندىكتەرى تالقىلاندى.