الماتىدا قوجامقۇلوۆ كوشەسىندەگى التى قاباتتى «پلازا الماتى» قوناقۇيدەن ءورت شىقتى.
57 ادام ءتۇتىن باسقان بولمەلەردە قالىپ قويعان، دەپ حابارلايدى Almaty-akshamy.kz Egemen.kz-كە سىلتەمە جاساپ.
توتەنشە جاعدايلار دەپارتامەنتىنىڭ مالىمەتىنشە، ءورت تۋرالى حابار تۇنگى 23:00 شاماسىندا تۇسكەن. بەلگىلى بولعانداي، ءقوناقۇي جەرتولەسىندەگى ساۋنا ورتەنىپ كەتكەن. عيماراتتىڭ بارلىق قاباتىن ءتۇتىن باسقان.
«ادامدار ءقوناقۇيدىڭ بارلىق تەرەزەسىنەن كومەك سۇرادى. ءورت سوندىرۋشىلەر شۇعىل تۇردە قۇتقارۋ جۇمىستارىن باستادى»،- دەلىنگەن حابارلامادا.
ادامدار 3 ءورت ءسوندىرۋشى مەن تىزە تارتىلاتىن باسپالداقتىڭ كومەگىمەن ەۆاكۋاسيالاندى. وسىلايشا 57 ادام امان قالدى. ءورت 42 ءورت ءسوندىرۋشى جانە 14 تەحنيكانىڭ كومەگىمەن ءسوندىرىلدى.