تولەم مولشەرى بالا سانىنا قاراي ەسەپتەلىپ تولەنەدى.
قازاقستان ۇكىمەتى جىل باسىنان بەرى كوپبالالى وتباسىلارعا 110،1 ملدر تەڭگە كولەمىندە جاردەماقى بەرگەن، دەپ حابارلايدى Almaty-akshamy.kz.
«جىل باسىنان بەرى كوپبالالى وتباسىلارعا بەرىلەتىن مەملەكەتتىك جاردەماقى تولەمدەرىمەن ورتا ەسەپپەن 495،8 مىڭ وتباسى قامتىلدى، ونىڭ ىشىندە ناۋرىز ايىندا 503،8 مىڭ وتباسىنا 27،9 ملرد تەڭگە جاردەماقى تولەندى»،- دەلىنگەن ەڭبەكمينى باسپا ءسوز قىزمەتىنىڭ حابارلاماسىندا.
بۇل مەملەكەتتىك جاردەماقىعا 4 جانە ودان دا كوپ بىرگە تۇراتىن كامەلەتكە تولماعان نەمەسە 23 جاسقا دەيىنگى كۇندىزگى بولىمدە وقيتىن ستۋدەنت بالالارى بار وتباسىلار تابىسىنا قاراماستان ۇمىتكەر بولا الادى.
تولەم مولشەرى بالا سانىنا قاراي ەسەپتەلىپ تولەنەدى. كوپبالالى وتباسىلارىنداعى ءار بالاعا 12 525 تەڭگە قاراستىرىلعان. 4 بالاعا – 49 100 تەڭگە، 5 بالاعا – 61 383 تەڭگە، 6 بالاعا – 73 666 تەڭگە، 7 بالاعا – 85 948 تەڭگە، 8 بالاعا – 98 016 تەڭگە، 9 بالاعا – 110 268 تەڭگە، 10 بالاعا – 122 520 تەڭگە، 11 بالاعا – 134 772 تەڭگە، 12 بالاعا – 147 024 تەڭگە، 13 بالاعا – 159 276 تەڭگە، 14 بالاعا – 171 528 تەڭگە، 15 بالاعا – 183 780 تەڭگە، 16 بالاعا – 196 032 تەڭگە تولەنەدى.
ەسكە سالايىق، كوپبالالى وتباسىلارعا ولاردىڭ تابىسىن ەسەپكە الماي بەرىلەتىن مەملەكەتتىك جاردەماقى قازاقستاندا 2020 جىلدىڭ 1 قاڭتارىنان باستاپ اتاۋلى الەۋمەتتىك كومەك كورسەتۋدىڭ جاڭا تەتىكتەرىندە كوزدەلگەن تابىسى از جانە كوپبالالى وتباسىلاردى قولداۋدىڭ ءۇش نەگىزگى باعىتى اياسىندا ەنگىزىلگەن.