پلاستيكپەن، سونىڭ ىشىندە ميكروپلاستيكپەن لاستانعان الەمدىك مۇحيت پەن تەڭىز جھاندىق جىلىنۋ قارقىنىن ارتتىرىپ، اپتاپ ىستىقتى كۇشەيتۋى مۇمكىن.
سەبەبى، پلاستيك قالدىقتارى مۇحيتتىڭ پارنيكتىك گازداردى ءسىڭىرۋ پروسەسىن باياۋلاتادى. بوستونداعى سولتۇستىك-شىعىس ۋنيۆەرسيتەتىنىڭ عالىمدارى وسىنداي قورىتىندىعا كەلدى، دەپ حابارلايدى Almaty-akshamy.kz Islam.kz پورتالىنا سىلتەمە جاساپ.
بۇل جيىنداعى islam.kz پورتالى Marine Chemistry (MarChem) مەرزىمدى باسىلىمىنا سىلتەمە جاساي وتىرىپ ءمالىم ەتەدى. مىڭداعان جىلدار بويى الەمدىەك مۇحيتقا ءولى فيتوپلانكتوندار جينالىپ، قارعا ۇقسايتىن ۇلپەك تۇرىندە تۇبىنە شوگىپ، تەڭىز تەرەڭدىندەگى كومىرتەگىن اۋلايتىن پروسەستىڭ ءبىر بولىگى بولدى. تاياۋدا بۇل تاراپتا جۇرگىزىلگەن زەرتتەۋ ناتيجەسى پلاستيكالىق بولشەكتەردىڭ بۇل پروسەستى «تەڭىز قارىن» الدەقايدا سەرپىندى ەتۋ ارقىلى باياۋلاتاتىنى انىقتالدى. «نەگىزىندە پلاستيك تەڭىز قارىنىڭ ەرۋ جىلدامدىعىن باسەڭدەتەدى، بۇل جايت ءوز كەزەگىندە مۇحيتتىڭ اتموسفەرادان كومىرقىشقىل گازىن اۋلاۋ تيىمدىلىگىن تومەندەتۋى مۇمكىن»، - دەپ ءتۇسىندىردى تالمىش زەرتتەۋگە اتسالىسقان پروفەسسور ارون ستۋببينس. زەرتحانالىق تاجىريبە ناتيجەسى كورسەتكەندەي، پلاستماسسامەن لاستانعان فيتوپلانكتون ۇلپەكتەرى تازا فراگمەنتتەرگە قاراعاندا شامامەن 20% باياۋ باتادى. امەريكلىق عالىمدار، سونىمەن قاتار، ميكروپلاستيكتەردىڭ ءتىرى فيتوپلانكتوننىڭ كومىرقىشقىل گازىنىڭ ءسىڭۋىن ازايتاتىنىن انىقتادى. سۋدا ەرىگەن كەزدە پوليمەرلەر ورگانيكالىق كومىرتەكتى بولەدى، بۇل كومىرتەكتىمەن تەڭىز وسىمدىكتەرى قورەكتەنەدى. بالامالى قورەك كوزى بولعاندىقتان فيتوپلانكتون اتموسفەرادان كومىرتەكتى ءسىڭىرۋدى توقتاتادى، اۋاداعى كومىرقىشقىل گازىنىڭ كونسەنتراسياسىن (شوعىرلانۋ دەڭگەيىن) ارتتىرادى.