ميۋنحەن تەحنيكالىق ۋنيۆەرسيتەتىنىڭ (گەرمانيا) عالىمدارى Amaropostia stiptica ساڭىراۋقۇلاعىنان بۇرىن بەلگىسىز بولىپ كەلگەن ءۇش اششى قوسىلىستى تاپتى.
مىنە، سولاردىڭ ءبىرى پلانەتاداعى ەڭ اششى زات بولۋى مۇمكىن، دەپ حابارلايدى aqshamnews.kz.
بۇل جايىندا islam.kz پورتالى Journal of Agricultural and Food Chemistry (JAFC) مەرزىمدى باسىلىمىنا سىلتەمە جاساي وتىرىپ ءمالىم ەتەدى، دەپ حابارلايدى aqshamnews.kz.
اششى ءدام ادەتتە تاعامنىڭ قاۋىپتىلىگىنەن حابار بەرەتىن قورعاۋشى تەتىك رەتىندە سانالاتىن. الايدا، جاڭا ساڭىراۋقۇلاق وتە اششىلىعىنا قاراماستان ۋلى ەمەس، ياعني، زيانسىز بولىپ شىقتى. نەمىس عالىمدارى وليگوپورين D. دەپ اتالاتىن زاتتى ءبولىپ شىعاردى. ونىڭ اششىلىعى سونشالىقتى – ءبىر ءتۇيىرىنىڭ ءوزى 2،5 ملن ليتر سۋ سياتىن وليمپياديالىق حاۋىز سۋدى اششى ەتەدى. عالىمدار بۇل باعىتتا ءدام جاسۋشالارىندا بولىنگەن قوسپالاردى سىناپ كوردى جانە ولاردىڭ ءارقايسىسى كەمىندە ادامنىڭ 25 اششى رەسەپتورلاردىڭ بىرەۋىن بەلسەندىرەتىنىن انىقتادى.
اسىرەسە، اششى زاتتاردى تانۋعا جاۋاپ بەرەتىن TAS2R46 رەسەپتورىنىڭ بەلسەندىلىگى كۇرت ارتقان. وسى كۇنگە دەيىن عالىمدار نەگىزىنەن وسىمدىكتەر مەن سينتەتيكالىق زاتتاردىڭ اششىلىعىن زەرتتەپ كەلگەن ەدى، ال ساڭىراۋقۇلاقتار، باكتەريالار مەن جانۋارلار نازاردان تىس قالعان بولاتىن. جاڭا دەرەك 500 ملن جىل بۇرىن - گۇلدى وسىمدىكتەردەن بۇرىن پايدا بولعان دامدىك رەسەپتورلاردىڭ ەۆوليۋسياسىن تۇسىنۋگە كومەكتەسەدى.