تەراپيەۆت COVID-19 اۋرۋىنىڭ ۆاكسينا العاندار مەن ەگىلمەگەندەر اراسىندا قالاي وتەتىنىن سالىستىرىپ كوردى.
رەسەيلىك تەراپيەۆت لاپا ۆاكسينالاۋدان كەيىن كوروناۆيرۋستىڭ اۋىر اعىمىنىڭ ءقاۋپى ءىس جۇزىندە جويىلادى دەپ وتىر، دەپ حابارلايدى Almaty-akshamy.kz Lenta.ru سايتىنا سىلتەمە جاساپ.
حودانوۆا اتىنداعى يممۋنوكوررەكسيا ورتالىعىنىڭ باس ديرەكتورى، تەراپيەۆت دارىگەر ليۋدميلا لاپا Sputnik راديوسىنا بەرگەن سۇحباتىندا COVID-19 اۋرۋىن ۆاكسينالانعاندار مەن ەگىلمەگەندەردىڭ اراسىندا سالىستىرىپ قاراعان.
ونىڭ ايتۋىنشا، ۆاكسيناسيادان كەيىن كوروناۆيرۋستىڭ اۋىر اعىمىنىڭ ءقاۋپى ءىس جۇزىندە جويىلادى، جەڭىل نەمەسە ورتاشا اۋىرلىقتا اۋىرۋ بايقالۋى مۇمكىن. ول بەلگىلەردىڭ ۆاكسينالانباعان ادامدارداعىداي كورىنۋى مۇمكىن ەكەنىن، ءبىراق اۋرۋدىڭ ۇزاقتىعى ايتارلىقتاي ەرەكشەلەنەتىنىن اتاپ ءوتتى.
«ۆاكسينالانعاندار ءۇشىن مۇنىڭ ءبارى ءبىر كۇن مەن ءۇش كۇن ارالىعىندا ءوتىپ كەتەدى. ۆاكسينالانعان ادامنىڭ تەمپەراتۋراسى دا نورمادان جوعارى كوتەرىلۋى مۇمكىن، ءبىراق ءبىر كۇن عانا. ەشقانداي تەراپيا قابىلداۋدىڭ ءىس جۇزىندە قاجەتى جوق»، - دەدى ول.
مامان كوروناۆيرۋستىق ينفەكسياعا قارسى ەكپە الماعان ناۋقاس كەم دەگەندە ون كۇن بويى ءوزىن ناشار سەزىنەتىنىن اتاپ ءوتتى. ەڭ جاقسى جاعدايدا، ۆاكسينالانباعان ناۋقاستاردا COVID-19-دىڭ نەگىزگى بەلگىلەرى بەس كۇن ىشىندە پايدا بولادى، ءبىراق اۋرۋ مۇنىمەن جازىلىپ كەتە قويمايدى.
بۇعان دەيىن "وميكرون" شتامىنىڭ ەلدە تارالۋىنا بايلانىستى، ۆاكسينالانباعانداردا ۇزاق مەرزىمدى دەنساۋلىققا جاعىمسىز سالدارلاردىڭ پايدا بولۋى تۋرالى ەسكەرتىلگەن بولاتىن. ازاماتتارعا مەديسينالىق ماسكانى نەمەسە رەسپيراتوردى ۇيدە، جابىق جايلاردا جانە باسقا ادامدارمەن بايلانىستا پايدالانۋ، سونداي-اق قولدى ءجيى جۋۋ مەن انتيسەپتيك قولدانۋ ۇسىنىلادى.