ۇرى سوڭعى «جورىعىندا» 158 مىڭ تەڭگە ولجالاپتى.
الماتىدا ءوزىن پيك قىزمەتكەرى رەتىندە تانىستىرعان ۇرى ۇستالدى، دەپ حابارلايدى Almaty-akshamy.kz Polisia.kz سايتىنا سىلتەمە جاساپ.
ۇستالعان ادام كەم دەگەندە قالاداعى ءۇش پاتەردى توناعان. ءۇي يەلەرى قىلمىسكەردى وزدەرى ىشكە كىرگىزگەن. ونىڭ باسقا دا وسىعان ۇقساس ۇرلىقتارعا قاتىسى انىقتالۋدا. ۇستالعان ازامات 1991 جىلى تۋعان جانە بۇرىن زاڭمەن ەشقانداي ماسەلەسى بولماعان. ول پاتەرلەرگە اشىق تۇردە كىرىپ جۇرگەن، ءوزىن پيك قىزمەتكەرى رەتىندە كورسەتىپ، قۇبىرلاردى تەكسەرۋمەن نەمەسە گازدى تەكسەرۋمەن اينالىسقان. ونىڭ قۇربانى كوبىنەسە قارت ادامدار بولدى. ابايسىزدا، ولار قۇجاتتاردى تەكسەرمەي-اق، بەيتانىس ادامدى پاتەرگە سەنىمدى تۇردە كىرگىزدى. ءۇي يەلەرى ءبىر نارسەگە الاڭداپ، بولمەدەن شىققاندا، ول پاتەردى ءتىنتىپ، اقشا ۇرلاپ ۇلگەردى. ۇستالعان ازاماتقا قاتىستى ق ر قك-نىڭ 188-بابى 1-بولىگى بويىنشا قىلمىستىق ءىس قوزعالدى. ول الماتى قالاسى ءپد-نىڭ ۋاقىتشا ۇستاۋ يزولياتورىنا قامالدى.