بۇل كورمەگە قاتىسۋ ورتالىق ازيا وڭىرىندە بيزنەس باستاۋعا نەمەسە كەڭەيتۋگە، جاڭا ونىمدەر مەن قىزمەتتەردى ىسكە قوسۋعا مۇمكىندىك بەرەدى.
2021 جىلعى 13-15 قازان ارالىعىندا الماتىدا «كولىك جانە لوگيستيكا» – TransLogistica Kazakhstan 2021 حالىقارالىق كورمەسى وتەدى، دەپ حابارلايدى Almaty-akshamy.kz ق ر ييدم تەلەگرام كانالىنا سىلتەمە جاساپ.
بۇل كورمە 1996 جىلدان بەرگى جۇمىسى كەزەڭىندە بۇكىل ورتالىق ازيا وڭىرىندەگى ەڭ ءىرى كولىك كورمەسى مارتەبەسىنە يە بولدى. ارينە، پاندەميا بۇكىل الەمدەگى كولىك-لوگيستيكا تىزبەگىنىڭ جۇمىسىن وزگەرتتى جانە قيىنداتتى. ورتالىق ازيا ءوڭىرى دە ودان تىس قالمادى. ال ەۋروپا، وڭتۇستىك جانە شىعىس ازيا اراسىنداعى جۇك اعىندارىن قامتاماسىز ەتۋدەگى ءوڭىردىڭ ماڭىزىن ەسكەرسەك، قازاقستاننىڭ الدىندا بارلىق وڭىرلىك جانە جاھاندىق كولىك تىزبەكتەرىنە ءتيىمدى ىقپالداسۋ مىندەتى تۇر. بۇگىندە ەلىمىزدىڭ ترانزيتتىك الەۋەتىن دامىتۋ قازاقستاندى ترانسكونتينەنتالدىق كولىك دالىزدەرىنىڭ ارحيتەكتۋراسىنداعى اجىراماس ەلەمەنتكە اينالدىرا وتىرىپ، جاڭا دەڭگەيگە شىعۋعا ءتيىس.