ق ر دەنساۋلىق ساقتاۋ ءمينيسترى الەكسەي سوي قازاقستاندىقتارعا بۇل ەكپەنى كۇتپەي، باسقا ۆاكسينالاردى الا بەرۋگە كەڭەس بەردى.
سونىمەن قاتار مينيستر قازاقستاندا Pfizer ۆاكسيناسى جۇكتى ايەلدەر مەن بالالار ءۇشىن قولجەتىمدى بولاتىنىن ايتتى، دەپ حابارلايدى Almaty-akshamy.kz Coronavirus2020.kz سايتىنا سىلتەمە جاساپ.
«باستاپقى كەزەڭدە، قازان ايىندا Pfizer ۆاكسيناسى تەك بالالار مەن جۇكتى ايەلدەرگە قولجەتىمدى بولادى. سوندىقتان بۇل ۆاكسينانىڭ كوپ كۇتۋدىڭ كەرەگى جوق، ءقازىر بارىپ ەكپە جاساتا بەرگەن ءجون. ءبىر اپتا ىشىندە بىزدە تاعى ءبىر ۆاكسينا بولادى، ونى دۇنيەجۇزىلىك دەنساۋلىق ساقتاۋ ۇيىمى ماقۇلداعان. وسى ورايدا بۇل ۆاكسينانى دا سالدىرۋ مۇمكىندىگى بولادى»، - دەدى الەكسەي سوي.