بۇل مالىمەتتى دەنساۋلىق ساقتاۋ ءبىرىنشى ۆيسە-مينيسترى مارات شورانوۆ جەتكىزدى.
قازاقستانعا كوروناۆيرۋسقا قارسى Pfizer ۆاكسيناسى قاراشانىڭ ورتاسىنا دەيىن جەتكىزىلەدى، دەپ حابارلايدى Almaty-akshamy.kz INTERFAX.RU سايتىنا سىلتەمە جاساپ.
«پفايزەر ۆاكسينالارىن جەتكىزۋ اعىمداعى جىلدىڭ 8-14 قاراشاسى ارالىعىندا كۇتىلۋدە»، - دەدى مارات شورانوۆ.
قازاقستان Pfizer ۆاكسيناسىمەن 12 جاستان اسقان بالالاردى ولاردىڭ زاڭدى وكىلدەرىنىڭ رۇقساتىمەن، سونداي-اق جۇكتى جانە بالا ەمىزەتىن ايەلدەردىڭ ەرىكتى كەلىسىمىمەن ەگۋدى جوسپارلاپ وتىر.
قىركۇيەك ايىندا Pfizer ۆاكسيناسى قازاقستاندا ۋاقىتشا تىركەۋدەن ءوتتى، ال قازان ايىندا ەلىمىزدىڭ باس مەملەكەتتىك سانيتارلىق دارىگەرى ەرلان قياسوۆ وسى ۆاكسينامەن ەگۋ ناۋقانىن باستاۋ تۋرالى قاۋلىعا قول قويدى. قازاقستان Pfizer پرەپاراتىنىڭ 4 ميلليون دوزاسىن جەتكىزۋگە كەلىسىمشارتقا وتىردى.