اقتاۋ قالاسىنىڭ ەكى وقۋشىسى ارامشوپتەن ەكوپاكەت جاساپ شىعاردى

جاس ونەرتاپقىشتار الداعى ۋاقىتتا ونەرتابىستارىن پاتەنتتەمەك

اقتاۋ قالاسىنداعى نازاربايەۆ زياتكەرلىك مەكتەبىنىڭ وقۋشىلارى ارامشوپتەن بيوپاكەت جاساپ شىعاردى. تىڭ جوباعا اسيا تەدجەن مەن ەرنار ءومىرزاق مەكتەپ اينالاسىنداعى شوپتەردى پايدالانعان. ماتەريالدىڭ سىرت كەلبەتى پاستيلاعا ۇقساس جانە ءبىر كيلوگرامعا دەيىنگى سالماققا توتەپ بەرە الادى. وقۋشىلار ءتىپتى پاكەتتەردى كوپتەپ شىعاراتىن قوندىرعىنىڭ ءپروتوتيپىن دە ازىرلەدى. ەندى جاس عالىمدار ونىمەن جاپپاي نارىققا شىعۋدى جوسپارلاپ وتىر.

«ءبىر پاكەتتى جاساۋ ءۇشىن 30 مينۋت ۋاقىت كەتەدى. ءبىز بۇل يدەيانى جازدان باستاپ ويلاعانبىز، 3-4 ايدىڭ ىشىندە جۇزەگە اسىردىق. قازىرگى تاڭدا پلاستيك وتە وزەكتى جانە ءالى دە شەشىلگەن جوق. ءبىزدىڭ پوليمەرىمىز تەز ىدىرايدى، 36 جىل ىشىندە تولىقتاي قارا شىرىككە اينالىپ كەتىپ، توپىراقتىڭ قۇنارلىعىن ارتتىرادى. پوليەتيلەن ونىمدەرىنە كەرەمەت بالاما بولىپ تابىلادى. وسى قىستا ونەرتابىسىمىزدى پاتەنتتەۋدى جوسپارلاپ وتىرمىز»، - دەيدى اقتاۋ قالاسىنداعى نازاربايەۆ زياتكەرلىك مەكتەبىنىڭ 11-سىنىپ وقۋشىسى اسيا تەدجەن.