قازاقستاندا Pfizer ۆاكسيناسى ەگىلەتىن ادامداردىڭ ءتىزىمى كەڭەيتىلۋى مۇمكىن. بۇل تۋرالى دەنساۋلىق ساقتاۋ ءمينيسترى الەكسەي سوي ايتتى، دەپ حابارلايدى almaty-akshamy.kz قازاقپاراتقا سىلتەمە جاساپ.
«Pfizer ۆاكسيناسىنا توقتالساق، باستاپقى كەزەڭدە بۇل ەكپەلەر 12 جاستان باستاپ بالالارعا جانە جۇكتى ايەلدەرگە ارنالادى. كەيىن وسى ۆاكسينامەن قامتىلاتىندار ءتىزىمىن كەڭەيتۋىمىز مۇمكىن»، - دەدى ا. سوي ماجىلىستەگى ۇكىمەت ساعاتىندا دەپۋتاتتار ساۋالىنا جاۋاپ بەرە وتىرىپ.
ونىڭ ايتۋىنشا، Pfizer كومپانياسىنىڭ ۆاكسيناسى 12-17 جاس ارالىعىنداعى بالالار مەن جۇكتى ايەلدەرگە رۇقسات ەتىلگەن جالعىز ەكپە بولىپ تۇر.
«وسىعان بايلانىستى مينيسترلىك Pfizer كومپانياسىمەن 2021 جىلدىڭ سوڭىنا دەيىن 4 ملن دوزا ۆاكسينانى جەتكىزۋ بويىنشا شارتقا قول قويدى»، - دەدى مينيستر.