دەنساۋلىق ساقتاۋ مينيسترلىگىندە Pfizer (Comirnaty) پرەپاراتىمەن ريەۆاكسينالاۋ كىمگە رۇقسات ەتىلگەنى جايلى ايتىلدى
باس مەملەكەتتىك سانيتارلىق دارىگەر ەرلان قياسوۆ "قازاقستان رەسپۋبليكاسىندا كوروناۆيرۋستىق ينفەكسيا بويىنشا سانيتارلىق-ەپيدەمياعا قارسى جانە سانيتارلىق-پروفيلاكتيكالىق ءىس-شارالاردى ۇيىمداستىرۋ جانە جۇرگىزۋ تۋرالى" جاڭا قاۋلى جاريالادى، دەپ حابارلايدى Almaty-akshamy.kz
قاۋلى حالىقتى كوروناۆيرۋستىق ينفەكسياعا قارسى ۆاكسينالاۋ ماسەلەلەرى بويىنشا سانيتارلىق دارىگەردىڭ وسىعان دەيىن قولدانىستا بولعان بارلىق قاۋلىلارىن بىرىكتىرەدى.
اتاپ ايتقاندا، كوروناۆيرۋستىڭ دامۋى اۋىر وتەتىن 60 جاستاعى جانە ودان جاسى ۇلكەن ادامدارعا Pfizer ۆاكسيناسىن قولدانا وتىرىپ، مەديسينا قىزمەتكەرلەرىنە، COVID-كە قارسى ريەۆاكسينالاۋعا رۇقسات ەتىلەدى.
ەسكە سالساق، بۇرىن Pfizer پرەپاراتى تەك جۇكتى، بالا ەمىزەتىن جانە 12 جاسقا دەيىنگى بالالارعا ۆاكسينالاۋ ءۇشىن ۇسىنىلعان.