ق ر پرەمەر-مينيسترىنىڭ ورىنباسارى ەرالى توعجانوۆ Pfizer ۆاكسيناسىنىڭ قولجەتىمدىلىگى تۋرالى پىكىر ءبىلدىردى، دەپ حابارلايدى Almaty-akshamy.kz
«بىرىنشىدەن، Pfizer ءقازىر قولجەتىمدى. 4 ملن دوزادان استام Pfizer ەكپەسىن ساتىپ الدىق. ءقازىر ۆاكسينانىڭ بۇل ءتۇرى قولجەتىمدى ادامداردىڭ ناقتى ساناتى بار. ولار: 12 جانە ودان جوعارى جاستاعى جاسوسپىرىمدەر، جۇكتى جانە بالا ەمىزەتىن ايەلدەر. ۇجىمدىق يممۋنيتەت قالىپتاستىرۋ قاجەتتىگىن ەسكەرسەك، 60-تان اسقان ادامدارعا دا مۇمكىندىك بەردىك. بۇل ەل حالقىنىڭ 1 ميلليوننان استام ادامى دەگەن ءسوز. سوندىقتان Pfizer قولجەتىمدىلىگى ناقتى بار. باسقا دا ۆاكسينا تۇرلەرى بار ەكەنىن ەشكىم ۇمىتپاۋ كەرەك. ەكپەنىڭ قولجەتىمدىلىگى تۋرالى ماسەلە كۇن تارتىبىندە تۇرعان جوق. بۇدان باسقا قوسىمشا 1 ملن دوزا ساتىپ الامىز»، - دەدى ول ورتالىق كوممۋنيكاسيالار قىزمەتىندە وتكەن بريفينگىدە.
سونداي-اق، ول اتالمىش ۆاكسينانى اقىلى سەگمەنتكە شىعارۋ مۇمكىندىگىنە توقتالدى.
«اقىلى Pfizer ۆاكسيناسى تۋرالى ماسەلە ىلعي كوتەرىلىپ ءجۇر. بىرنەشە رەت جاۋاپ بەردىك دەپ ويلايمىن. Pfizerء-دى اقىلى ساتپاۋ تۋرالى شەشىم قابىلدانعان. سوندىقتان Pfizer ۆاكسيناسى ناقتى ساناتتار ءۇشىن ءقازىر قولجەتىمدى. 60-تان اسقاندارعا بولەمىز دەدىك قوي. سونىڭ ورنىن تولتىرۋ ءۇشىن ءساۋىر ايىنا قاراي تاعى 1 ملن دوزاسىن العىزامىز»، - دەدى ەرالى توعجانوۆ.