پەتروپاۆل جەو-2 جۇمىسىن قالىپقا كەلتىرۋ بويىنشا جول كارتاسى ازىرلەندى
ەنەرگەتيكا ءمينيسترى بولات اقشولاقوۆ پەتروپاۆلداعى جەو-دا بولىپ، ەنەرگەتيكالىق كەشەننىڭ جاعدايىمەن تانىستى، دەپ حابارلايدى Almaty-akshamy.kz اتالعان مينيسترلىكتىڭ باسپا ءسوز ورتالىعىنا سىلتەمە جاساپ.
جىلۋ ورتالىعىن ارالاعاننان كەيىن مينيسترلىك، وبلىس اكىمدىگى، ەنەرگەتيكا جانە تكش باسقارماسى وكىلدەرىنىڭ جانە ستانسا باسشىلىعىنىڭ قاتىسۋىمەن پەتروپاۆل جەو جۇمىس ىستەۋىن قالىپقا كەلتىرۋ ماسەلەلەرى بويىنشا كەڭەس ءوتتى.
كەڭەستە 2021 جىلى جۇرگىزىلگەن كۇردەلى جوندەۋ جۇمىستارىنىڭ كولەمى، اپاتتىق ايالدامالار، جەو-نىڭ الداعى جىلىتۋ ماۋسىمىنا ۋاقىتىلى، ساپالى دايىندىق ماسەلەلەرى تالقىلاندى.
پەتروپاۆل جەو-2 جۇمىسىن قالىپقا كەلتىرۋ بويىنشا جول كارتاسى ازىرلەندى.
جول كارتاسى ءىس-شارالاردى ىسكە اسىرۋدى قارجىلاندىرۋدىڭ جالپى سوماسى 17،5 ملرد تەڭگە بولاتىن بەس بلوكقا بولىنگەن، بۇل جەو-نىڭ الداعى جىلىتۋ ماۋسىمىنا ۋاقتىلى جانە ساپالى دايىندىعىن قامتاماسىز ەتەدى.
ەنەرگەتيكا مينيسترلىگىندە پەتروپاۆل جەو 1961 جىلى پايدالانۋعا بەرىلگەنىن ەسكە سالدى. بۇل – سقو-داعى ەلەكتر جانە جىلۋ ەنەرگياسىنىڭ جالعىز كوزى. ستانسانىڭ بەلگىلەنگەن ەلەكتر قۋاتى 541 مۆت قۇرايدى، جىلۋ قۋاتى – 713 گكال/ساع.