اللەرگيامەن كۇرەسۋ ءۇشىن گيپواللەرگەندى ديەتانى ۇستانۋ كەرەك
كوكتەمدە كەيبىر ادامداردا پوللينوز نەمەسە ماۋسىمدىق اللەرگيالىق رينوكونيۋنكتيۆيت بولاتىنىن اللەرگولوگ-يممۋنولوگ ناتاليا گارسكوۆا پرايم اگەنتتىگىنە ايتتى، دەپ حابارلايدى Almaty-akshamy.kz.
دارىگەر اۋرۋ مۇرىننىڭ بىتەلۋى، تۇشكىرۋ، كوزدىڭ اۋىرۋى، قىزارۋى سياقتى بەلگىلەردەن كورىنەتىنىن ايتادى. سونداي-اق مۇنداي جاعدايدا ءوزىڭىزدى ەمدەۋمەن اينالىسپاي، اللەرگولوگقا جۇگىنۋ كەرەگىن ەسكەرتەدى.
«كەيدە پاسيەنتتەر دەنەنىڭ گۇلدەنۋگە ءتان رەاكسياسىن قاراپايىم سۋىقپەن شاتاستىرادى جانە ۋاقىتتى جوعالتىپ، وزدىگىنەن ەمدەلەدى. بۇل دۇرىس ەمەس جانە ءقاۋىپتى. ويتكەنى اسقىنعان اللەرگيانىڭ ءجيى كەزدەسەتىن سەرىكتەرىنىڭ ءبىرى – برونح دەمىكپەسى. اللەرگيامەن كۇرەسۋ ءۇشىن گيپواللەرگەندى ديەتانى ۇستانۋ كەرەك، توزاڭ اللەرگەندەرىنەن توسقاۋىل بولاتىن قۇرالداردى قولدانىپ، ساقتانۋ كەرەك. سونىمەن قاتار دارىگەر تاعايىنداعان دارى-دارمەكتەردى قابىلداۋ كەرەك»، – دەدى گارسكوۆا.