«تەرروريزم اكتىسى تۋرالى كورىنەۋ جالعان حابارلاۋ» بابى تەرگەۋ جۇمىستارى جۇرگىزىلدى
پەتروپاۆل تۇرعىنى جارىلعىش قۇرىلعى تۋرالى جالعان حابارلاما بەرگەنى ءۇشىن ءبىر جىلعا باس بوستاندىعىنان ايىرىلدى. بۇل تۋرالى Almaty-akshamy.kz وڭىرلىك پوليسيا دەپارتامەنتىنە سىلتەمە جاساپ حابارلايدى.
14 اقپاندا ماساڭ كۇيدەگى ەر ادام «102» ارناسىنا زاۆودسكايا كوشەسىندەگى ءۇيدىڭ پودەزىندە جارىلعىش زاتپەن تۇرعانى تۋرالى حابارلاعان. وقيعا ورنىنا پاترۋلدىك پوليسيا باتالونىنىڭ قىزمەتكەرلەرى، جارعىش تەحنيكتەر مەن باسقا دا شۇعىل قىزمەتتەردىڭ وكىلدەرى كەلىپ جەتتى. اتالعان ءۇيدىڭ جانىندا ماساڭ كۇيدەگى ەر ادام ۇستالدى.
جەكە تەكسەرۋ بارىسىندا ەشبىر جارىلعىش ءقاۋىپتى زات تابىلعان جوق. اتالعان فاكتى بويىنشا ق ر قىلمىستىق كودەكسىنىڭ «تەرروريزم اكتىسى تۋرالى كورىنەۋ جالعان حابارلاۋ» 273-بابىمەن سوتقا دەيىنگى تەرگەۋ باستالدى.
8 ماۋسىمدا پەتروپاۆل قالالىق سوتى وعان ءبىر جىل مەرزىمگە باس بوستاندىعىنان ايىرۋ تۇرىندەگى جازا تاعايىنداۋعا ۇكىم شىعاردى.
«ەر ادامنىڭ زاڭسىز ارەكەتى قالا تۇرعىندارىنىڭ تىنىشتىعىن بۇزدى. وسىنداي وقيعالار مەنشىك يەلەرىنە ماتەريالدىق شىعىن كەلتىرە وتىرىپ، وبەكتىلەردىڭ جۇمىسىنا ءجيى كەدەرگى جاسايدى، ادامداردىڭ تىنىشتىعىن بۇزادى، عيماراتتاردى تەكسەرۋ ءۇشىن ادامداردى ەۆاكۋاسيالاۋعا تۋرا كەلەدى. «تەلەفون تەرروريزمى» ءۇشىن ق ر قك 273-بابىنىڭ سانكسياسىنا سايكەس ءىرى كولەمدەگى ايىپپۇل مەن 5 جىلعا دەيىنگى مەرزىمگە باس بوستاندىعىنان ايىرۋ جازاسى كوزدەلگەنىن ەستەن شىعارماعان ءجون»، - دەيدى سقو پد ەكسترەميزمگە قارسى ءىس-قيمىل باسقارماسىنىڭ باستىعى پوليسيا پولكوۆنيگى رۋسلان جاراسبايەۆ.