بۇگىن الماتى ق. ناۋرىزباي اۋدانى، التىن وردا كوشەسى، 6ا مەكەنجايىندا ورنالاسقان «پەرزەنت» جەكە قايىرىمدىلىق بالالار ءۇيى اۋماعىندا ءورت بولدى.
35 بالا مەن قىزمەتكەرلەر دەر كەزىندە ەۆاكۋاسيالاندى. زارداپ شەككەندەر جوق. بالالار ءقاۋىپسىز ورىندارعا ورنالاستىرىلدى، ولارعا قاجەتتى كومەك پەن قولداۋ كورسەتىلىپ جاتىر. قازىرگى ۋاقىتتا ءورتتىڭ تارالۋ ءقاۋپى جويىلدى. ءورت وشاعى وقشاۋلانعان. وقيعا ورنىندا الماتى قالاسى تجد بولىمشەلەرى جۇمىس ىستەۋدە.
وقيعا ورنىنا الماتى قالاسىنىڭ اكىمى دارحان ساتىبالدى جانە قالالىق قۇرىلىمدىق بولىمدەردىڭ باسشىلارى باردى. قازىرگى تاڭدا ۋاقىتشا ورنالاستىرۋ، تاماقتاندىرۋ جانە ماتەريالدىق قولداۋ شارالارى قامتاماسىز ەتىلۋدە. جاعداي باقىلاۋدا.