21 شىلدەدە استاناداعى قىلمىستىق ىستەر جونىندەگى اۋدانارالىق سوتتا پەريزات قايرات پەن ونىڭ اناسىنا قاتىستى وتىرىس جابىق رەجيمدە ءوتتى. كۇدىكتى پەريزات قايراتتىڭ اناسى سوتتا جاۋاپ بەرۋدەن باس تارتتى، - دەپ حابارلايدى Aqshamnews.kz ءتىلشىسى.
استاناداعى قىلمىستىق ىستەر جونىندەگى اۋدانارالىق سوتىنىڭ باسپا ءسوز قىزمەتىنىڭ مالىمەتىنشە، جارتى كۇن بويى زاتتاي دالەلدەمەلەر زەرتتەلگەن. سونداي-اق، تاراپتار ءبىرقاتار ءوتىنىش وقىعان. الايدا ونىڭ ءمان-جايى ايتىلمادى.
“ايىپتالۋشى پەريزات قايرات پەن ونىڭ اناسى عايني الاشبايەۆا ءوز قۇقىقتارىن پايدالانىپ، جاۋاپ بەرۋدەن باس تارتتى"، – دەپ حابارلادى باسپا ءسوز قىزمەتى.
بۇگىن 22 شىلدەدە استاناداعى قىلمىستىق ىستەر جونىندەگى اۋدانارالىق سوتتا ءجارىسسوز باستالادى.