2025 جىلدىڭ 23 قاڭتارىندا پەريزات قايراتقا قاتىستى مۇگەدەك بالالارعا ارنالعان وڭالتۋ ورتالىعىن سالۋعا اقشا جيناۋ الاياقتىعى دەرەگى بويىنشا سوتقا دەيىنگى تەرگەۋ تىركەلدى.
بۇل ءىس قوعامدا ۇلكەن رەزونانس تۋدىرىپ، الەۋمەتتىك جاۋاپكەرشىلىك پەن قايىرىمدىلىق ماسەلەسىنە قاتىستى سۇراقتاردى العا شىعاردى، دەپ حابارلايدى aqshamnews.kz
2021 جىلدىڭ قاراشا ايىندا پەريزات قايرات اقمولا وبلىسىندا "باتىر" قوعامدىق بىرلەستىگىنە وڭالتۋ ورتالىعىن سالۋ ماقساتىندا قايىرىمدىلىق اۋكسيونىن وتكىزگەن. ونىڭ ايتۋىنشا، اۋكسيون ناتيجەسىندە 48 ميلليون تەڭگە جينالىپ، قۇنى 100 ميلليون تەڭگە بولاتىن عيمارات سىيعا تارتىلعان.
تەرگەۋ بارىسىندا انىقتالعانداي، اۋكسيون كەزىندە شىن مانىندە 22 ميلليون تەڭگە عانا جينالعان. پەريزات قايرات بۇل قاراجاتتى ءوز قاجەتتىلىكتەرىنە جۇمساعان. سونىمەن قاتار، ول "باتىر" قوعامدىق بىرلەستىگى ءۇشىن قۇنى 30 ميلليون تەڭگە تۇراتىن جەر تەلىمىن ساتىپ العانىن مالىمدەگەنىمەن، بۇل ۋچاستوكتى بىرلەستىكتىڭ ءوزى 2019 جىلى ساتىپ العانى بەلگىلى بولدى.
پەريزات قايرات بەرگەن مالىمەتتەرگە قاراماستان، وڭالتۋ ورتالىعىنىڭ قۇرىلىسى ءالى باستالعان جوق. سونداي-اق، ورتالىققا قاجەتتى دەلىنگەن عيمارات مۇلدەم جوق بولىپ شىقتى.
قازىرگى ۋاقىتتا سوتقا دەيىنگى تەرگەۋ جالعاسۋدا. تەرگەۋ مۇددەسىنە بايلانىستى قوسىمشا اقپارات جاريالانبايدى.