سوت پەريزات قايرات پەن ونىڭ اناسىنىڭ سوت تەرگەۋىن باق-تى قاتىستىرماي وتكىزۋ تۋرالى وتىنىشىنە قاتىستى شەشىمىن جاريالادى، - دەپ حابارلايدى aqshamnews.kz Tengrinews.kz-كە سىلتەمە جاساپ.
استانا قىلمىستىق ىستەر جونىندەگى اۋدانارالىق سوتىنىڭ سۋدياسى سابىرجان كارىموۆ شەشىمدى جاريا ەتتى.
"قايراتتىڭ الدىن الا تىڭداۋداعى ءوتىنىشى قارالدى (...) سوت سوت پروسەسىن جابىق تۇردە وتكىزۋ تۋرالى ءوتىنىشتى ءىشىنارا قاناعاتتاندىرۋ تۋرالى قاۋلى شىعاردى. سوت وتىرىسى 2025 جىلدىڭ 14 شىلدەسىنە، ساعات 10:00-گە بەلگىلەندى"، – دەدى سۋديا.
بۇگىن تاڭەرتەڭ استانا سوتىندا پەريزات قايراتقا قاتىستى الدىن الا تىڭداۋ ءوتتى. وعان ازاماتتار مەن ۇيىمداردان 3 ميلليارد تەڭگەدەن استام قارجىنى قايىرىمدىلىق كومەك كورسەتۋ سىلتاۋىمەن جىمقىردى دەگەن ايىپ تاعىلعان. ايىپتالۋشىلار سوت پروسەسىنە ب ا ق وكىلدەرىنىڭ قاتىسۋىنا قارسى بولىپ، سوت وتىرىسىن فوتو جانە ۆيدەوعا تۇسىرۋگە رۇقسات بەرمەدى.
ماۋسىمنىڭ اياعىندا باس پروكۋراتۋرا پەريزات قايرات پەن ونىڭ اناسىنا قاتىستى قىلمىستىق ءىستىڭ ءمانى بويىنشا قارالۋى ءۇشىن استانا قىلمىستىق ىستەر جونىندەگى اۋدانارالىق سوتىنا جولدانعانىن حابارلاعان بولاتىن.