الەمدەگى جاعداي وزگەرىپ تۇر
جۇڭگو اقش كونگرەسى وكىلدەر پالاتاسىنىڭ سپيكەرى نەنسي پەلوسي مەن ونىڭ جاقىن تۋىستارىنا قارسى سانكسيالار ەنگىزدى، دەپ حابارلايدى Almaty-akshamy.kz
وعان ساياساتكەردىڭ تايۆانعا جاساعان ساپارى سەبەپ. سونداي-اق بەيجىڭ ەسىرتكى جانە ترانسۇلتتىق قىلمىسپەن كۇرەس، زاڭسىز كوشى-قونعا قاتىستى قۇقىقتىق كومەك كورسەتۋ بويىنشا امەريكالىقتارمەن ىنتىماقتاستىعىن توقتاتادى. ودان بولەك اسكەر-تەڭىز كونسۋلتاتيۆتىك كەلىسىم جانە كليماتتىڭ وزگەرۋى سۇراقتارى اياسىنداعى كەزدەسۋلەردى وتكىزبەۋ شەشىمى قابىلداندى.
ايتا كەتكەن ءجون، وسى اپتادا نەنسي پەلوسي تايۆانعا بارىپ قايتقان ەدى. «ءبىر جۇڭگو» ساياساتىن ۇستاناتىن بەيجىڭ مۇنى ەگەمەندىككە قول سۇعۋ دەپ اتادى. الايدا ساياساتكەر ساپارى تايۆان بۇعازىنداعى بەيبىتشىلىكتى ساقتاپ قالۋعا باعىتتالعانىن ايتىپ وتىر.