شاحماتشى قىزىمىز كەزەكتى بەلەسكە شىقتى
شاحماتتان 18 جاستاعى قازاقستاندىق الەم چەمپيونى ءبيبىسارا اساۋبايەۆا ازيانىڭ ۇزدىك شاحماتشىسى اتاندى. بۇل تۋرالى سپورتشى ءوزىنىڭ Instagram پاراقشاسىندا جازدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«كەشە حالىقارالىق شاحمات فەداراسياسىنىڭ (Fédération Internationale des Échecs – FIDE ) ماراپاتتاۋ ءراسىمى ءوتتى. شاحماتتان الەمنىڭ 15- چەمپيونى ۆيشۆاناتان اناند ماعان «ايەلدەر اراسىندا 2021 جىلعى ازيانىڭ ۇزدىك شاحماتشىسى» سىيلىعىن تاپسىردى»، - دەدى سپورتشى.
ايتا كەتسەك، ءبيبىسارا اساۋبايەۆا بليستەن ايەلدەر اراسىندا ەڭ جاس الەم چەمپيونى. ءبيبىسارا 2021 جىلدىڭ 30 جەلتوقسانىندا پولشانىڭ ۆارشاۆا قالاسىندا بليستەن ايەلدەر اراسىندا وتكەن الەم چەمپيوناتىندا 17 جاسىندا جەڭىسكە جەتتى.
ول ايەلدەر اراسىنداعى گروسسمەيستەر (2019). ەرلەر اراسىندا حالىقارالىق شەبەر (2020). بليس بويىنشا الەم چەمپيونى (2021).
پوسموترەت ەتۋ پۋبليكاسيۋ ۆ Instagram