«پەداگوگيكالىق يدەيالار پانوراماسى – 2025» رەسپۋبليكالىق بايقاۋى جاريالاندى
بايقاۋعا ەلىمىزدىڭ بارلىق وڭىرىندەگى مەكتەپكە دەيىنگى، ورتا، قوسىمشا، تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ ۇيىمدارىنىڭ پەداگوگ قىزمەتكەرلەرى قاتىسا الادى. جەڭىمپازدار تمد ەلدەرى اراسىندا وتەتىن پەداگوگيكالىق شەبەرلىك حالىقارالىق فەستيۆالىنە قاتىسۋعا مۇمكىندىك الادى. سونىمەن قاتار، بايقاۋ ناتيجەلەرى پەداگوگتەردى اتتەستاتتاۋ كەزىندە ەسكەرىلەدى.
كونكۋرسقا كەلەسى 7 باعىت بويىنشا جۇمىستار قابىلدانادى:
1. وقۋ ساۋاتتىلىعى
2. ماتەماتيكالىق ساۋاتتىلىق
3. جاراتىلىستانۋ-عىلىمي ساۋاتتىلىق
4. سيفرلىق ساۋاتتىلىق
5. ەكولوگيالىق ساۋاتتىلىق
6. مادەنيەتارالىق ساۋاتتىلىق
7. قارجىلىق ساۋاتتىلىق
جىل سايىن ۇيىمداستىرىلاتىن بۇل بايقاۋدىڭ شارتتارىنا بيىل ءىشىنارا وزگەرىستەر ەنگىزىلدى. ەندى وڭىرلىك كەزەڭنەن ءوتۋ ءۇشىن بەينەماتەريال ازىرلەۋ مىندەتتى ەمەس. الدىمەن جۇمىس مازمۇنى مەن وزەكتىلىگى جازباشا تۇردە نەگىزدەلەدى. ال رەسپۋبليكالىق كەزەڭگە وتكەن سوڭ، پەداگوگيكالىق يدەيانى بەينەماتەريال رەتىندە ۇسىنۋ قاجەت.
بايقاۋ تالاپتارى:
• ءاربىر قاتىسۋشى تەك ءبىر باعىت بويىنشا ءبىر جۇمىس ۇسىنا الادى؛
• جۇمىس اۆتورلىق ادىستەمەلىك يدەيانى قامتۋى ءتيىس؛
• ماتەريال باسقا كونكۋرستارعا قاتىسپاعان، ەش جەردە جاريالانباعان، ءۇشىنشى تۇلعالاردىڭ اۆتورلىق قۇقىقتارىن بۇزبايتىن جانە قازاقستان زاڭناماسىنا ساي بولۋى ءتيىس. ۇزدىك ماتەريالدار رەسپۋبليكالىق «ۇزدىك پەداگوگيكالىق پراكتيكالار» بازاسىنا ەنگىزىلەدى. جۇمىستاردى قازاق، ورىس جانە اعىلشىن تىلدەرىندە ۇسىنۋعا بولادى. كونكۋرستىڭ وڭىرلىك كەزەڭىنە قاتىسۋعا وتىنىمدەر https://ppi.orleu-edu.kz سايتىندا 1-ماۋسىم – 1-قىركۇيەك ارالىعىندا قابىلدانادى. قوسىمشا اقپارات الۋ ءۇشىن «ورلەۋ» باۇو وبلىستىق فيليالدارىنا، سونداي-اق الماتى جانە شىمكەنت قالالارىنداعى فيليالدارعا حابارلاسۋىڭىزعا بولادى.
ك.بەسيروۆا،
«ورلەۋ» الماتى وبلىسى