تورونتوداعى PDAC-2023 حالىقارالىق كورمەسىندە قازاقستاننىڭ ۇلتتىق پاۆيلونىنىڭ رەسمي اشىلۋ سالتاناتى ءوتتى.
1932 جىلى قۇرىلعان كانادانىڭ گەولوگتار مەن ازىرلەۋشىلەر قاۋىمداستىعى (PDAC) بارلاۋ، ءوندىرۋ جانە تاۋ-كەن ونەركاسىبىنىڭ جىل سايىنعى كونفەرەنسياسى مەن كورمەسىن ۇيىمداستىرۋ ءداستۇرىن جالعاستىرىپ كەلەدى. بۇل ءىس-شاراعا 130-دان استام ەلدەن 25 مىڭ ادام قاتىسادى، دەپ حابارلايدى Almaty-akshamy.kz Egemen.kz-كە سىلتەمە جاساپ.
قازاقستاندىق دەلەگاسياعا مەملەكەتتىك جانە جەكە سەكتوردىڭ 50-گە جۋىق وكىلى، ونىڭ ىشىندە «قازاقمىس كورپوراسياسى» ج ش س، «ERG»، «تاۋ-كەن سامۇرىق»، «كازسينك» ج ش س، «Greywolf Management»، «QazGeology»، «QazaqGeophysics» جانە «Aurora minerals» ءىرى كومپانيالارى.
سونداي-اق تورونتودا ورتالىق جانە جەرگىلىكتى مەملەكەتتىك ورگاندار باسشىلارىنىڭ قاتىسۋىمەن كانادا-قازاقستان بيزنەس فورۋمى ءوتتى. شاراعا يندۋستريا جانە ينفراقۇرىلىمدىق دامۋ ۆيسە-مينيسترى يران شارحان، ييدم گەولوگيا كوميتەتىنىڭ ءتوراعاسى ەرلان اكباروۆ، ءتوراعانىڭ ورىنباسارى ەرلان گالييەۆ، ۇلتتىق گەولوگيالىق قىزمەت باسقارما ءتوراعاسىنىڭ مىندەتىن اتقارۋشىسى جانات كاريبايەۆ، ءىرى قازاقستاندىق گەولوگيالىق بارلاۋ كاسىپورىندارىنىڭ باسشىلارى مەن ماماندارى، سونداي-اق Hatch، CAMECO Corporation، B2Gold، Arras Minerals، Nutrien، Teck Resources Limited، Ion Energy سياقتى جەتەكشى كانادالىق كومپانيالاردىڭ باسشىلارى قاتىستى.
قازاقستان-كانادا بيزنەس فورۋمىندا پولياك جانە قازاقستان ۇلتتىق گەولوگيالىق قىزمەتى اراسىنداعى ءوزارا تۇسىنىستىك تۋرالى مەموراندۋمعا قول قويىلدى.
ۇلىبريتانيا ءمينيسترى نۋسرات گيمەن جانە ۇلىبريتانيا گەولوگيالىق قىزمەتىنىڭ وكىلى ديەۆيد شوفيلدپەن كەلىسسوزدەر جۇرگىزىلىپ، ەكىجاقتى ىنتىماقتاستىقتى دامىتۋ پەرسپەكتيۆالارى تالقىلاندى. سونداي-اق الەمنىڭ جەتەكشى كومپانيالارىمەن جانە شەتەلدىك گەولوگيالىق قىزمەتتەرمەن ىسكەرلىك كەزدەسۋلەر ءوتتى.
قازاقستان ۇلتتىق پاۆيلونىنىڭ، سونداي-اق قازاقستان-كانادا بيزنەس فورۋمىنىڭ جۇمىسى قازاقستان مەن وسى جاھاندىق ءىس-شاراعا قاتىساتىن باسقا ەلدەر اراسىنداعى ودان ءارى ەكونوميكالىق ىنتىماقتاستىقتى ىنتالاندىرادى.