كەشە پاۆلودار قالاسىنداعى "ۋسولكا" شاعىناۋدانىندا ەكى قاباتتى كىرپىش ءۇيدىڭ ءبىرىنشى قاباتىندا بولعان ورتتەن ەكى بالا زارداپ شەگىپ، ءبىر بالا كوز جۇمدى، دەپ حابارلايدى Almaty-akshamy.kz Inform.kz-كە سىلتەمە جاساپ.
«10 جەلتوقساندا ساعات 17.57-دە "ۋسولكا" شاعىناۋدانىندا ەكى قاباتتى كىرپىش ءۇيدىڭ ءبىرىنشى قاباتىندا ءورت شىققان. ۇيدە 5 جاسار ۇل مەن 14 جاسار قىز بالا بولعان. سونىمەن بىرگە ءۇيدىڭ زالىندا 2021 جىلى تۋعان بالانىڭ كۇيىك شالعان دەنەسى تابىلدى. ۇيدە ۇلكەندەر بولماعان»، - دەلىنگەن پوليسيا حابارلاماسىندا.
ورتتەن زارداپ شەككەن بالالار اۋرۋحاناعا جاتقىزىلماعان.
«دارىگەرلەر وقيعا ورنىنا كەلگەن كەزدە، 2008 جانە 2017 جىلى تۋعان بالالارعا كۇيزەلىسكە ءتۇسۋ دياگنوزىن قويدى. قازىرگى تاڭدا بالالار اناسىمەن بىرگە"، — دەدى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتىنەن.