سوت تالقىلاۋىنىڭ مەرزىمى بەكىتىلەدى.
پاۆلودار وبلىسى پوليسيا دەپارتامەنتىنىڭ بۇرىنعى باسشىسى نۇرلان ءماسىموۆتىڭ ۇستىنەن قوزعالعان ءىس بويىنشا العاشقى سوت وتىرىسى ءوتىپ جاتىر، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بۇگىن ساعات 15:00-دە پاۆلودار وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا الدىن الا تىڭداۋ بەلگىلەندى. الدىن الا تىڭداۋ قورىتىندىسى بويىنشا نەگىزگى سوت تالقىلاۋىنىڭ مەرزىمى بەكىتىلەدى»، - دەپ حابارلاندى وبلىستىق سوتتان.
ەسكە سالايىق، بىلتىر 17 قاڭتاردا پاۆلودار وبلىسى پوليسيا دەپارتامەنتىنىڭ باسشىسى نۇرلان ءماسىموۆ قىزمەتىنەن بوساتىلعان ەدى.
سول جىلى ماۋسىمدا پاۆلودار وبلىستىق پوليسيا دەپارتامەنتىنىڭ بۇرىنعى باستىعى نۇرلان ماسىموۆكە ىزدەۋ جاريالانعان ەدى.
وعان اسا اۋىر سىبايلاس جەمقورلىق قىلمىس جاسادى دەگەن ايىپ تاعىلدى.
كەيىن ىزدەۋ جاريالانعان نۇرلان ءماسىموۆ تۋرالى اقپارات بەرگەن ادامعا 12 ملن تەڭگەگە دەيىن سىياقى بەرىلەتىنى حابارلاندى.
2022 جىلى 13 شىلدە دە ق ر ۇلتتىق قاۋىپسىزدىك كوميتەتىنىڭ وكىلدەرى نۇرلان ءماسىموۆتى رەسەيمەن شەكارادا ۇستادى.