پاۆلودار قالاسىندا ءورت ءسوندىرۋشى كاماز كولىگى مەن بالالار اۆتوبۋسى سوقتىعىسىپ قالدى، دەپ حابارلايدى almaty-akshamy.kz.
سەگىز توننالىق اۆتوسيستەرنانىڭ شاقىرتۋعا بارا جاتقانى بەلگىلى بولدى. سالا ماماندارىنىڭ حابارلاۋىنشا، اۆتوبۋس ءورت ءسوندىرۋ كولىگىن وتكىزبەي قويعان. سالدارىنان جولدىڭ بويىندا تۇرعان جەڭىل ماشيناعا دا سوعىلعان. جول-كولىك وقيعاسى كەزىندە اۆتوبۋس ىشىندە 15 بالا بولدى. ولاردىڭ سەگىزى اۋرۋحاناعا جەتكىزىلدى. تاعى ۇشەۋى وبلىستىق بالالار اۋرۋحاناسىنىڭ جاراقاتتار بولىمىنە جاتقىزىلدى. قالعانى امبۋلاتوريالىق باقىلاۋعا الىندى. دارىگەرلەردىڭ ايتۋىنشا، وقۋشىلاردىڭ جاعدايى تۇراقتى. بۇل دەرەك بويىنشا ىشكى ىستەر ورگانى تەكسەرىس باستادى.
- 101 پۋلتىنە شىعىس وندىرىستىك اۋماعىنداعى ءورت تۋرالى حابارلاما ءتۇستى. وقيعا ورنىنا ەكى ارنايى تەحنيكا جىبەرىلدى. ءورت ءسوندىرۋشى كولىگى ولگين كوشەسى بويىمەن بارا جاتقاندا، وقۋشىلار اۆتوبۋسىمەن سوقتىعىستى. قوعامدىق كولىك ءورت سوندىرۋشىلەرگە جول بەرمەگەن. اپاتتىڭ ءمان-جايىن انىقتاپ جاتىرمىز، - دەيدى وبلىستىق تجد ءورت ءسوندىرۋ قىزمەتىنىڭ ءبولىم باسشىسى يسقارا داستان.