شەكسىز مۇمكىندىكتەر ەندى ينتەرنەتتە
الماتى مەن استانادا 5G جەلىسى سىناقتان ءوتىپ جاتىر، دەپ حابارلايدى Almaty-akshamy.kz 24.kz-كە سىلتەمە جاساپ.
قازاقستاندا 5G عالامتور جەلىسىن ىسكە قوسۋ كەزەڭ-كەزەڭىمەن جۇزەگە اسىرىلادى. الدىمەن اسا جوعارى جىلدامدىقتاعى ينتەرنەت سەرۆيسى ەلىمىزدىڭ ءىرى قالالارىندا پايدا بولادى.
بۇل جونىندە سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين الەۋمەتتىك جەلىدەگى پاراقشاسىندا مالىمدەدى. ول قازىرگى كەزدە بايلانىس وپەراتورلارى نۇر-سۇلتان جانە الماتىنىڭ كەي جەرلەرىندە 5G جەلىسىن تەستتەن وتكىزىپ جاتقانىن، العاشقى ولشەمدەر جاقسى ناتيجە كورسەتكەنىن ايتتى.
وسىدان ءبىر اي بۇرىن عانا ەلىمىزدەگى ۇيالى بايلانىس وپەرتورلارىنىڭ ءبىرى «الماتىداعى پانفيلوۆ كوشەسىندە 5G ينتەرنەتتى قوستىق» دەپ ءسۇيىنشى سۇراعان.
جالپى، 5G ءموبيلدى ينتەرنەتى بۇگىندە كەڭىنەن پايدالانىلاتىن عالامتوردان 10 ەسە جىلدام. دەگەنمەن، ازىرگە سىناق رەتىندە عانا قوسىلدى. سوندىقتان ابونەمەنتتەردىڭ ءبارى ونى قولدانا المايدى.