اقمولا وبلىسىنىڭ CyberPol ءبولىنىسىنىڭ قىزمەتكەرلەرى بولگاريالىقتى 102 ميلليون تەڭگەگە الداعان قىلمىستىق توپتىڭ مۇشەلەرىن ۇستادى، - دەپ حابارلايدى Aqshamnews.kz ءتىلشىسى Polisia.kz-كە سىلتەمە جاساپ.
شەتەلدىك ازامات مامىر-ماۋسىم ايلارىندا ينتەرنەت-الاياقتاردىڭ قۇربانىنا اينالعان. قاسكويلەر وزدەرىن بانك قىزمەتكەرلەرى رەتىندە تانىستىرىپ، جابىرلەنۋشىنى ءىرى كولەمدەگى اقشانى بوگدە ادامداردىڭ شوتىنا اۋدارۋعا كوندىرگەن.
تۇسكەن ارىز بويىنشا پوليسەيلەر قىلمىستىق ءىس قوزعاپ، سيفرلىق تەحنولوگيالاردى پايدالانا وتىرىپ، جەدەل-ىزدەستىرۋ شارالارىن جۇرگىزدى. ناتيجەسىندە قىلمىستىڭ ەكى ۇيىمداستىرۋشىسى انىقتالدى. ولار پاۆلودار وبلىسىنىڭ تۇرعىندارى.
سونىمەن قاتار، قىلمىستىق سحەمانىڭ تاعى ءتورت ىقتيمال قاتىسۋشىسى بەلگىلى بولدى. ۇستالعاندار پاۆلودار قالاسىندا وتكەن "كونترافاكت" جەدەل-الدىن الۋ ءىس-شاراسى اياسىندا قولعا ءتۇستى. الدىن الا مالىمەت بويىنشا كۇدىكتىلەردىڭ كوكشەتاۋ قالاسى مەن قورعالجىن اۋدانىندا بولعان ەكى ۇقساس الاياقتىق دەرەگىنە دە قاتىسى بولۋى مۇمكىن.
باسقا جابىرلەنۋشىلەردى انىقتاۋ جۇمىستارى جۇرگىزىلۋدە. ءتىنتۋ بارىسىندا ۇيالى تەلەفوندار مەن قاراجاتتىڭ ءبىر بولىگى تاركىلەندى. بارلىق كۇدىكتى ۋاقىتشا ۇستاۋ يزولياتورىنا قامالدى.