"ۆكونتاكتە" مەن Telegram نەگىزىن قالاۋشى پاۆەل دۋروۆ الماتى وبلىسىنداعى كولساي كولىنە ءتۇسىپ، قۇقىقبۋزىشىلىق جاسادى، - دەپ حابارلايدى اqshamnews.kz ءتىلشىسى.
ول كولساي كولىنە ءتۇسىپ شىعىپ جاتقان ءساتىن Telegram-داعى ستوريسىندە جاريالاپ، "كەرەمەت شومىلدىم" دەپ قىسقا جازبا قالدىردى. بەينەجازبادا كاسىپكەردىڭ سۋعا بەيقام تۇردە كىرىپ بارا جاتقانى كورىنەدى.
الايدا جەلى قولدانۋشىلارى "كولسايدا شومىلۋعا بولا ما، ايىپپۇل سالىنباي ما؟"دەگەن ساۋال قويدى. ۇلتتىق پارك ەرەجەسىنە سايكەس، تۋريستەرگە سۋعا تەك ارنايى بەلگىلەنگەن ورىنداردا عانا كىرۋگە رۇقسات، ال وزگە ايماقتاردا نەمەسە سۋىق ماۋسىمدا شومىلۋ – تالاپتى بۇزۋعا جاتادى.
كادر ۆيدەودان الىندى: t.me/durov
ۇلتتىق ساياباقتىڭ تابيعي كەشەندەردىڭ ءوسىمىن مولايتۋدى قورعاۋ دەپارتامەنتى (تكومق) تۇسىنىكتەمە بەردى. ۆەدومستۆو وكىلدەرى كولساي كولىندە شومىلۋ اكىمشىلىك قۇقىقبۇزۋشىلىق ەكەنىن، بارلىق كەلۋشىلەرگە تىيىم سالىنعانىن حابارلادى. ەرەجە بۇزعاندارعا 10 اەك مولشەرىندە ايىپپۇل قاراستىرىلعان – بۇل 39 320 تەڭگە.
كولساي كولدەرى – ىلە الاتاۋىنداعى ءۇش تاۋ كولىنىڭ جۇيەسى (الماتى وبلىسى)، تەڭىز دەڭگەيىنەن 1 800–2 500 مەتر بيىكتىكتە ورنالاسقان. سۋى وتە ءمولدىر ءارى سۋىق: جازدىڭ وزىندە تەمپەراتۋراسى سيرەك جاعدايدا 15°C-تان اسادى.
ايتا كەتەيىك، پاۆەل دۋروۆتىڭ كولسايعا ساپارى، شامامەن، ونىڭ استانادا وتكەن Digital Bridge 2025 فورۋمىنا قاتىسۋىنان كەيىن جالعاسقان. ول فورۋمدا قازاقستاندا جي زەرتحاناسىن اشاتىنىن مالىمدەگەن ەدى.